విశాలాంధ్ర -అనంతపురం : అనంతపురం రేంజ్ కార్యాలయంలో డి.ఐ.జి డాక్టర్ షిమోసి జాతీయ పతాకాన్ని ఆవిష్కరించి రేంజ్ పరిధిలోని ప్రజలకు, పోలీసులకు శుభాకాంక్షలు తెలియజేశారు. గురువారం… 78 వ స్వాతంత్ర్యదినోత్సవ వేడుకలు పురస్కరించుకుని అనంతపురం రేంజ్ కార్యాలయంలో స్వాతంత్ర దినోత్సవ వేడుకలు నిర్వహించారు. దేశ స్వాతంత్ర్య సముపార్జనలో త్యాగం చేసిన అమరులను ఈసందర్భంగా డి.ఐ.జి గుర్తు చేసుకుంటూ ప్రసంగించారు. త్యాగధనుల ఆశయాలను స్ఫూర్తిగా చేసుకుని విధుల్లో పునరంకితం కావాలని పిలుపునిచ్చారు. ఈ కార్యక్రమంలో పలువురు సి.ఐ లు, ఏ.ఆర్ అధికారులు, డి.ఐ.జి రేంజ్ మరియు క్యాంపు కార్యాలయాల అధికారులు, సిబ్బంది, తదితరులు పాల్గొన్నారు.
