విశాలాంధ్ర-నూజివీడు టౌన్: సభ్య సమాజం తలదించు కునే విధంగా నిత్యం ఏదో ప్రాం తంలో దారుణమైన సంఘటనలు జరుగుతూనే ఉన్నాయి. పసిబిడ్డలపై కామాంధులు కళ్లు పడుతూనే ఉన్నాయి. రాక్షసుల కంబధ హస్తాల్లో చిన్నారులు ఉసురు కోల్పోతూనే ఉన్నారు. చట్టాలు ఎన్ని ఉన్నా అభంశుభం తెలియని చిన్నారులపై అత్యా చారాలు నిత్యకృత్యమౌతున్నాయి. ఇందుకు ఏలూరు జిల్లా నూజి వీడు మండలం పల్లెర్లమూడి గ్రామంలో ఆదివారం అర్ధరాత్రి పసికూనపై జరిగిన అఘాయి త్యం సమాజంలో రాక్షస పోకడలకు అద్దంపడుతోంది. వివరాల్లోకి వెళితే… పల్లెర్లమూడిలో తల్లిదండ్రుల మధ్యలో నిద్రిస్తున్న చిన్నారి(5)ని అర్థరాత్రి కొందరు కామపిశాచీలు సమీప పామాయిల్ తోటలోకి తీసుకెళ్లి అత్యాచారం జరిపారు. తీవ్ర గాయాలతో అపస్మారక స్థితిలో పడి ఉన్న బాలికను తెల్లవారుజామున గ్రామస్థులు గుర్తించి తల్లిదండ్రులకు సమాచారం అందించారు. గ్రామస్థులతో కలిసి బాధిత కుటుంబం నూజివీడు ప్రభుత్వ ఆసుపత్రికి తరలించారు. అక్కడి నుంచి మెరుగైన వైద్యం కోసం విజయవాడ ప్రభుత్వ ఆసుపత్రికి బాలికను తరలించారు. సమాచారం అందుకున్న నూజివీడు ఆర్డీవో భవాని శంకరి పల్లెర్లమూడి గ్రామాన్ని సోమవారం సందర్శించారు. జరిగిన ఘటనపై గ్రామస్థులు, పోలీసులను వివరాలు అడిగి తెలుసుకున్నారు. విజయవాడ ప్రభుత్వ ఆసుపత్రిలో చికిత్స పొందుతున్న చిన్నారి ఆరోగ్య పరిస్థితి బాగానే ఉందని, దర్యాప్తునకు అవసరమైన మరికొన్ని పరీక్షలు నిర్వహించాల్సి ఉందని వైద్యులు తెలిపినట్లు తెలిసింది.
నిందితులను అరెస్ట్ చేయండి: కొలుసు
చిన్నారిపై జరిగిన అత్యాచారం అత్యంత బాధాకరమని రాష్ట్ర గృహ నిర్మాణ శాఖ మంత్రి కొలుసు పార్థసారథి తీవ్ర విచారం వ్యక్తం చేశారు. దుండగులను వెంటనే అరెస్ట్ చేయాలని పోలీసులను ఆదేశించారు. అవసరమైతే జాగిలాలను రప్పించి నిందితులను పట్టుకోవాలన్నారు. బాధిత కుటుంబానికి తక్షణ సహాయం అందించాలని కలెక్టర్, ఎస్పీలను ఆదేశించారు. బాలికకు నాణ్యమైన వైద్యాన్ని అందించాలన్నారు.
చిన్నారిపై అత్యాచారం
