హైదరాబాద్‌ : తన రెంటల్స్‌ సేవలను ఇప్పుడు 39 నగరాల్లో అందుబాటులోకి తీసుకు వస్తున్నట్లు ఉబర్‌ ప్రకటించింది. పలువురు రైడర్ల తమ స్నేహితులు, కుటుంబ సభ్యులను కలుసుకునేందుకు, వ్యాపార సమా వేశాలు, అధికారిక పనుల నిమిత్తం మల్టీ-హవర్‌, మల్టీ-స్టాప్‌ సేవలను ఎంపిక చేసుకుంటున్నారని ఉబర్‌ తెలిపింది. జూన్‌ 2020లో ఈ నూతన సేవలు అందుబాటులోకి తీసుకువచ్చినప్పటి నుంచి దేశ వ్యాప్తంగా వినియోగదారులు తమ జీవనోపాధికి, కిరాణా సరుకుల కొనుగోలు, ప్రార్థనా స్థలాల సందర్శన, ఇళ్లు మార్చడం, బాడుగకు ఇళ్లను వెతుక్కునేందుకు వీటిని వినియోగించు కుంటున్నారు.
