పశ్చిమ బెంగాల్ రాజధాని కోల్కతాలో మహిళా ట్రైనీ డాక్టర్పై అత్యాచారం, హత్య ఘటనపై దేశవ్యాప్తంగా నిరసనలు వ్యక్తమవుతున్నాయి. ఈ ఘటనకు వ్యతిరేకంగా గత కొన్ని రోజులుగా నిరసనలు కొనసాగుతున్నాయి. ఈ క్రమంలోనే నేడు ఇండియన్ మెడికల్ అసోసియేషన్ దేశవ్యాప్త సమ్మెను ప్రకటించింది. దీంతో నేడు (శనివారం) ఉదయం 6 గంటల నుంచి 24 గంటల పాటు నాన్ ఎమర్జెన్సీ వైద్య సేవలను బంద్ చేస్తున్నట్లు ప్రకటించారు. అంటే ఈరోజు ఉదయం 6 గంటల నుంచి ఆదివారం ఉదయం 6 గంటల వరకు సమ్మె జరుగుతోంది. ఈ సమయంలో అత్యవసర రోగులకు మాత్రమే వైద్య సేవలు అందిస్తారు.
