అమెరికాకు కేకేఈ యూరో పార్లమెంటు గ్రూపు డిమాండ్
ఏథెన్స్: ఉగ్రవాదాన్ని ప్రోత్సహించే దేశాల జాబితాలో క్యూబా పేరు చేర్చడాన్ని గ్రీస్ కమ్యూనిస్టు పార్టీ (కేకేఈ) యూరో పార్లమెంటు గ్రూపు తీవ్రంగా ఖండిరచింది. తక్షణమే క్యూబాను ఆ జాబితా నుంచి తొలగించాలని డిమాండ్ చేస్తూ కమిషన్ వీపీ జోసెఫ్ బోర్రెల్ ఒక ప్రకటన వెలువరించారు. దశాబ్దాలుగా క్యూబాపై ఆ దేశ ప్రజలపై సాగిస్తున్న దురాగతాలను దుయ్యబట్టారు. అమెరికా ఆంక్షల వల్ల క్యూబా ప్రజల జీవనం దుర్భరమైందని పేర్కొన్నారు. ఆ దేశ ఆర్థిక వ్యవస్థ దెబ్బతిన్నదని, అభివృద్ధి కుంటుపడిరదని, ప్రజల జీవన ప్రమాణాలు క్షీణించాయని ఆందోళన వ్యక్తంచేశారు. నేరపూరితంగా ఆర్థిక`వాణిజ్యపరమైన ఆంక్షలు విధించడమే తమ వ్యూహంగా క్యూబాపై అమెరికా అక్కసు కొనసాగుతోందని విమర్శించారు. ఉగ్రవాదాన్ని ప్రోత్సహించే దేశంగా క్యూబా అమెరికా ముద్రవేసిందని, 2021 నుంచి క్యూబాను ఆ జాబితాలో చేర్చిందని గుర్తుచేశారు. అప్పటి ట్రంప్ యంత్రాంగం ఇప్పటి బైడెన్ ప్రభుత్వం కూడా క్యూబాను ఆంక్షల వలయంలోకి మరింతగా నెట్టివేసినట్లు తెలిపారు. క్యూబాపై అన్ని రకాల ఆంక్షలు ఎత్తివేయాలని, ఆ దేశ అంతర్గత వ్యవహారాల్లో జోక్యాన్ని మానుకోవాలని అమెరికాకు యూరో పార్లమెంటు గ్రూపు స్పష్టంచేసింది.
