నలుగురు దుర్మరణం
దేశ రాజధాని దిల్లీలోని ఓల్డ్‌ సీమపురి ప్రాంతంలోని ఓ భవనంలో అగ్నిప్రమాదం సంభవించింది. ఈ ఘటనలో నలుగురు వ్యక్తులు దుర్మరణం పాలయ్యారు. వివరాల్లోకి వెళితే, ఓల్డ్‌ సీమపురి ప్రాంతంలోని మూడు అంతస్తుల భవనంపై అంతస్తులో మంగళవారం వేకువ జామున 4 గంటల ప్రాంతంలో మంటలు చెలరేగాయి. సమాచారం అందుకున్న అగ్నిమాపకశాఖ సిబ్బంది మంటలను అదుపులోకి తీసుకువచ్చింది. ఈ ఘటనలో నలుగురు మృతిచెందినట్లు అధికారులు పేర్కొన్నారు. మృతులు నలుగురు ఒకే కుటుంబానికి చెందిన వారని, ప్యూన్‌తో పాటు భార్య, అతని ఇద్దరు పిల్లలు ఉన్నారని అధికారులు తెలిపారు. అయితే, అగ్ని ప్రమాదానికి కారణాలు తెలియరాలేదు.
దిల్లీలో మూడంతస్తుల భవనంలో అగ్ని ప్రమాదం
