శ్రీ సత్య సాయి సేవా సమితి నిర్వాహకులు
విశాలాంధ్ర ధర్మవరం;; రోగులకు సేవ చేయడంలోనే ఎంతో సంతృప్తి తో పాటు, దైవ సేవ చేసినట్లు ఉంటుందని శ్రీ సత్యసాయి సేవా సమితి నిర్వాహకులు తెలిపారు. ఈ సందర్భంగా వారు పట్టణంలోని ప్రభుత్వ ఆసుపత్రిలో నారాయణ సేవ అనే కార్యక్రమములో భాగంగా 360 మందికి భోజనపు ప్యాకెట్లను, వాటర్ ప్యాకెట్స్ లను వైద్యులు, సిస్టర్స్ చేతులమీదుగా పంపిణీ చేశారు. అదేవిధంగా ప్రత్యేకంగా గర్భిణీ స్త్రీలకు స్వీట్లు కూడా పంపిణీ చేశారు. ఈ సందర్భంగా నిర్వాహకులు మాట్లాడుతూ ఈ నారాయణ సేవా కార్యక్రమానికి దాతగా బుక్కపట్నం వెంకటలక్ష్మి భర్త వెంకటేష్ వారి సేవ ఆధ్వర్యంలో నిర్వహించడం జరిగిందని తెలిపారు. ఈ నారాయణ సేవా కార్యక్రమంలో దాతలకు వారు ప్రత్యేకంగా కృతజ్ఞతలు తెలియజేశారు. గత కొన్ని సంవత్సరాలుగా దాతల సహాయ సహకారాలతో ఇటువంటి నారాయణ సేవా కార్యక్రమాలను నిర్వహిస్తున్నామని, ఆసక్తి గల దాతలు కూడా మమ్ములను సంప్రదించవచ్చునని తెలిపారు. మరిన్ని వివరాలకు సెల్ నెంబర్ 9966047044కు గాని 903044065కు గాని సంప్రదించాలని తెలిపారు. తదుపరి ప్రభుత్వ ఆసుపత్రి సూపర్డెంట్ మాధవి మాట్లాడుతూ శ్రీ సత్య సాయి సేవ సమితి వారు చేస్తున్న ఇటువంటి సేవలు మరుపు రానివని, రోగులకు వారి సహాయకులకు ఇదివరంగా మారడం అదృష్టమని తెలిపారు. ఈ కార్యక్రమంలో 27 మంది సేవాదళ్ సభ్యులు పాల్గొన్నారు.
రోగులకు సేవ చేయడంలో ఎంతో సంతృప్తి ఉంది
