విశాలాంధ్ర – పెద్దకడబూరు : మండల కేంద్రమైన పెద్దకడబూరులోని స్థానిక బస్టాండ్ ఆవరణంలో సోమవారం ఏఐటియుసి ఆధ్వర్యంలో మే డే వేడుకలు సిపిఐ మండల కార్యదర్శి వీరేష్ అధ్యక్షతన ఘనంగా నిర్వహించారు. ఈ సందర్భంగా సిపిఐ జిల్లా కార్య వర్గ సభ్యులు భాస్కర్ యాదవ్, ఏఐవైఎఫ్ జిల్లా కార్యదర్శి కారుమంచి చేతుల మీదుగా జెండాను ఆవిష్కరించారు. దేశంలో కార్మికుల చేత వెట్టి చాకిరీ చేయిస్తున్నారని విమర్శించారు. ఈ ప్రభుత్వాలు పని ఎక్కువ వేతనం మాత్రం తక్కువ ఇస్తూ కార్మికుల కడుపు కొడుతున్నాయని ఆరోపించారు. కేంద్రంలోని బీజేపీ ప్రభుత్వం అన్ని వర్గాల కార్మికులను ముంచుతుందని, సరైన పనికి సరైన వేతనం ఇవ్వడం లేదన్నారు. ఈ కార్యక్రమంలో రైతు సంఘం తాలూకా కార్యదర్శి ఆంజనేయ, నాయకులు తిక్కన్న, డోలు హనుమంతు, రామాంజనేయులు, గోపాల్, నర్సింహులు, సర్ధాజ్ పటేల్, వీరాంజినేయులు, వీరేష్, ఏఐవైఎఫ్ తాలూకా అధ్యక్షులు జాఫర్ పటేల్ తదితరులు పాల్గొన్నారు.
