విశాలాంధ్ర, ఎన్ పీ కుంట : మండలంలో ఉపాధ్యాయ దినోత్సవం పురస్కరించుకొని సర్వేపల్లి రాధాకృష్ణ జయంతి సందర్భంగా నిర్వహించే ఉపాధ్యాయ దినోత్సవాన్ని మండల కేంద్రంలోని ఎమ్మార్సీ కార్యాలయంలో ఘనంగా నిర్వహించారు. ఎంఆర్ సి కార్యాలయంలో సర్వేపల్లి రాధాకృష్ణ చిత్రపటానికి పూలమాలలు వేసి నివాళులర్పించారు. ఈ సందర్భంగా ఉపాధ్యాయులు మాట్లాడుతూ విద్యార్థులు మంచి విద్య అందుకుని గురువులు కంటే ఉన్నత స్థాయికి చేరుకోవాలని సూచించారు. కార్యక్రమంలో ఎంఈఓ గోపాల్ నాయక్, ఉన్నత పాఠశాల హెచ్ఎం శిరీష, ప్రాథమిక పాఠశాల హెచ్ఎం రామ్మోహన్, ఉపాధ్యాయులు విద్యార్థులు తదితరులు పాల్గొన్నారు.
