Tuesday, October 4, 2022
Tuesday, October 4, 2022

ఈ అప్పులు ఎందుకు చేస్తున్నట్లో..: అచ్చెన్నాయుడు

ఈ మూడేళ్లో పరిశ్రమలు భారీగా వచ్చాయని.. ఉద్యోగ అవకాశాలు దక్కాయని ప్రభుత్వం చెబుతోందని.. మరి అలాంటప్పుడు అప్పులు ఎందుకు చేయాల్సి వచ్చిందని ఏపీ టీడీపీ అధ్యక్షుడు అచ్చెన్నాయుడు ప్రశ్నించారు.రాష్ట్రంలో ఉన్న పరిశ్రమలని వెళ్లగొట్టడం, కక్ష్య సాధింపుతో ఉన్న బిల్డింగులు పడగొట్టడం తప్ప ముఖ్యమంత్రి జగన్‌ మూడేళ్లలో సాధించింది ఏంటని ప్రశ్నించారు. గత మూడేళ్లలో 98 పెద్ద పరిశ్రమలు రూ.39350 కోట్ల పెట్టుబడితో స్థాపించబడి 60541 మందికి ఉద్యోగాలు కల్పించామని సీఎం చెప్పారని.. 31671 చిన్న పరిశ్రమలు ద్వారా రూ.8285 కోట్ల పెట్టుబడితో 198521 ఉద్యోగాల కల్పన జరిగిందని చెప్పిన విషయాన్ని గుర్తు చేశారు.ఆర్థిక సర్వే గణాంకాల ప్రకారం ఏప్రిల్‌ 2019 నుంచి డిసెంబర్‌ 2021 వరకు పెద్ద పరిశ్రమలు 33560, చిన్న పరిశ్రమలు 148809 ఉద్యోగాలు మాత్రమే కల్పించినట్లు ఉందని అన్నారు. దాదాపు 70000 ఉద్యోగాలు తేడా ఈ 6 నెలలలో ఇన్ని ఉద్యోగాలు వచ్చాయా అని ప్రశ్నించారు. కేంద్రం లెక్కల ప్రకారం కేవలం రూ.20200 కోట్లు మాత్రమే రాష్ట్రంలో పెట్టుబడులు.. అలాగే 2021లో విదేశీ నిధులు రాష్ట్రానికి 178 మిలియన్‌ డాలర్లు వస్తే.. కర్ణాటక కు 18554 మిలియన్‌ డాలర్లు, తెలంగాణకు 1585 మిలియన్‌ డాలర్లు వచ్చాయన్నారు. ఇన్ని ఉద్యోగాలు వస్తే రాష్ట్రం బీహార్‌తో పాటు డిగ్రీ ఉన్నవారిలో 33 శాతం నిరుద్యోగంతో ఎలా ఉంటుందన్నారు. ప్రభుత్వం డేటాను ప్రజలకు అందుబాటులో ఉంచితే నమ్మే అవకాశం ఉంటుందని అన్నారు. చంద్రబాబు తెచ్చిన పరిశ్రమలను జగన్‌ తెచ్చినట్లు తప్పుడు ప్రచారం చేసుకుంటున్నారని విమర్శించారు. చంద్రబాబు పరిశ్రమలకు భూములు కట్టబెడుతున్నాడని నాడు విష ప్రచారం చేసిన జగన్‌.. నేడు అదే భూముల్లో శంకుస్దాపనలు ఎలా చేస్తున్నారని ప్రశ్నించారు. సీఎం దావోస్‌ పర్యటన వల్ల ఏపీకి ప్రయోజనం శూన్యమని కేంద్రం మాటల్లో అర్దమైందని అన్నారు.రాష్ట్రంలో ఉపాధి, ఉద్యోగాలు లేకనే యువత పొరుగు రాష్ట్రాలకు వలస వెళ్తున్నారన్నారు. వైఎస్సార్‌సీపీ నేతలు చెప్పినట్టు రాష్ట్రానికి పరిశ్రమలు, పెట్టుబడులు విపరీతంగా వస్తే అడ్డగోలుగా అప్పులు చేయాల్సిన అవసరం ఏంటని ప్రశ్నించారు. వైఎస్సార్‌సీపీ నేతలు ఇకనైనా అబద్దాలు, తప్పుడు ప్రచారంతో ప్రజల్ని మోసం చేయటం మానుకోవాలన్నారు.

సంబంధిత వార్తలు

spot_img

తాజా వార్తలు

spot_img