Wednesday, September 28, 2022
Wednesday, September 28, 2022

ఏపీఎస్‌ఆర్టీసీ మరో కీలక నిర్ణయం..బస్సుల్లో ‘యూటీఎస్‌’ విధానం.. ఇకపై చాలా ఈజీగా!

ఏపీఎస్‌ఆర్టీసీ మరో కీలక నిర్ణయం తీసుకుంది. నగదు రహిత, పేపర్‌ రహిత సేవలను అందుబాటులోకి తెచ్చేందుకు యునిఫైడ్‌ టికెటింగ్‌ సొల్యూషన్‌ (యూటీఎస్‌)ను ప్రవేశపెట్టారు. ఈ మేరకు రూపొందించిన నిబంధనల బ్రోచర్‌ను ఆర్టీసీ ఎండీ ద్వారకా తిరుమలరావు ఆవిష్కరించారు. ఈ యూటీఎస్‌ విధానంతో ప్రయాణికులకు ఎంతో సౌలభ్యంగా ఉంటుందని.. ఒకే యాప్‌లో అన్ని సేవలూ అందుబాటులోకి వస్తాయని తెలిపారు ఎండీ తిరుమలరావు. టికెట్‌ బుక్‌ చేసుకోవడం, బస్సుల గమనం, గూడ్స్‌ రవాణా వివరాలను తెలుసుకోవచ్చని అన్నారు. గ్రామీణ ప్రాంత సర్వీసులకు కూడా ముందుగానే టికెట్‌ తీసుకునే సదుపాయం ఉందని ఎండీ తెలిపారు. ఇప్పటి వరకూ ఆర్టీసీ బస్సుల్లో కేవలం నగదు ద్వారానే టికెట్‌ ఇచ్చేవారని.. ఇకపై యూపీఐ, డెబిట్‌ కార్డు, క్రెడిట్‌ కార్టు, వాలెట్ల ద్వారా టికెట్‌ను తీసుకోవచ్చని చెప్పారు. క్యూఆర్‌ కోడ్‌ స్కానింగ్‌తో కూడా టికెట్‌లు పొందవచ్చని.. ఇకపై బస్సుల్లో పేపర్‌ టికెట్‌ అనేది నామమాత్రమవుతుందని చెప్పారు. అంతా టికెట్‌ రహిత ప్రయాణమే ఉంటుందని.. బస్సు ప్రయాణిస్తూనే మరొక స్టేజి నుంచి వేరే బస్సులో వెళ్లేందుకు కూడా టికెట్‌ తీసుకోవచ్చన్నారు. ఆర్టీసీ ప్రవేశపెట్టిన ఆధునిక సాంకేతికతతో కూడిన యూటిఎస్‌ సౌకర్యాన్ని ప్రయాణికులు సద్వినియోగం చేసుకోవాలని ఆర్టీసీ ఎండీ తిరుమలరావు సూచించారు.

సంబంధిత వార్తలు

spot_img

తాజా వార్తలు

spot_img