నెల్లూరు కలెక్టరేట్‌లో అగ్ని ప్రమాదం జరిగింది. ఒక్కసారిగా మంటలు చెలరేగడంతో.. కలెక్టర్‌ కార్యాలయంలో భద్రపరిచిన పాత ఎన్నికల సామగ్రి దగ్ధమైంది. సమాచారం అందుకున్న అగ్నిమాపక సిబ్బంది మంటలు ఆర్పేసింది. ఇవాళ రెండో శనివారం సెలవు కావడంతో సిబ్బంది అక్కడ లేకపోవడంతో పెద్ద ప్రమాదం తప్పింది. ఈ అగ్ని ప్రమాదంలో ఏ ఏ ఫైళ్లు దగ్ధం అయ్యాయి, ఎంతవరకు నష్టం కలిగిందని అనే అంశాలు తెలియాల్సి ఉంది. ఇప్పటికే నెల్లూరు జిల్లా కలెక్టర్‌ కార్యాలయంలో గతంలో రెండుసార్లు అగ్ని ప్రమాదాలు జరిగాయి. అప్పుడు కోట్ల రూపాయల కుంభకోణాలకు సంబంధించి అనేక కేసులకు సంబంధించిన ఫైళ్లు దగ్ధం అయ్యాయి.. మళ్లీ ఇవాళ జరిగిన అగ్నిప్రమాదంలో ఏ, ఏ ఫైల్స్‌ తగలబడ్డాయో.. ఎలాంటి నష్టం జరిగిందో విచారణలో తెలియాల్సి ఉంది. అగ్ని ప్రమాదానికి షార్ట్‌ సర్క్యూట్‌ కారణమని అనుమానిస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.
