తూర్పుగోదావరి జిల్లా మారేడుమిల్లి-చింతూరు ఘాట్‌ రోడ్డులో యాక్సిడెంట్‌ సంభవించింది. సోమవారం ఉదయం భద్రాచలం నుంచి కాకినాడ వెళుతున్న ఆర్టీసీ బస్సు..చత్తీస్‌గఢ్‌ వైపు వెళుతున్న లారీ ఎదురెదురుగా ఢీకొన్నాయి. వాలమూరు సమీపంలో ఈ ప్రమాదం జరిగింది. ఈ ఘటనలో ఆర్టీసీ డ్రైవర్‌ రామకృష్ణ,కండక్టర్‌ రమేష్‌ తో కలిపి 22 మందికి గాయాలయ్యాయి. గాయపడ్డ వారిని మారేడుమిల్లి ఆసుపత్రికి తరలించారు.అక్కడ ప్రథమ చికిత్స అనంతరం రంపచోడవరం ఆసుపత్రికి తరలించారు. మారేడుమిల్లి పోలీసులు కేసును నమోదు చేసి దర్యాప్తు చేస్తున్నారు.
ఆర్టీసీ బస్సు-లారీ ఢీ…22 మందికి గాయాలు
