ధర్మవరం రెవెన్యూ డివిజన్‌ రద్దును నిరసిస్తూ టీడీపీ నేత పరిటాల శ్రీరామ్‌ నిరాహారదీక్షకు దిగారు. ధర్మవరం ఎమ్మార్వో కార్యాలయం వద్ద ఉదయం 10 గంటలకు ఆయన దీక్షకు కూర్చున్నారు. సాయంత్రం 5 గంటల వరకు దీక్ష కొనసాగనుంది. ఈ సందర్భంగా శ్రీరామ్‌ మాట్లాడుతూ.. వైస్సార్సీపీ నేతలపై మండిపడ్డారు. ధర్మవరం రెవెన్యూ డివిజన్‌ ను రద్దు చేస్తే వైస్సార్సీపీ నేతలు ఏం చేస్తున్నారని ప్రశ్నించారు. రెవెన్యూ డివిజన్‌ గా ఎన్నో ఏళ్ల చరిత్ర ఉన్న ధర్మవరానికి ఆ హోదాను తొలగించడం అన్యాయమని అన్నారు. ధర్మవరం అభివృద్ధిని వెనక్కి నెట్టేస్తుంటే స్థానిక ఎమ్మెల్యే ఎందుకు స్పందించడం లేదని ప్రశ్నించారు. ప్రభుత్వం తన నిర్ణయాన్ని వెనక్కి తీసుకోకపోతే ప్రజలందరితో కలిసి ఉద్యమిస్తామని హెచ్చరించారు.
