హైదరాబాద్‌: పద్దెనిమిదేళ్ల క్రితం విడుదలై సంచలనం సృష్టించిన ‘ఛత్రపతి’ రీమేక్‌తో బెల్లంకొండ శ్రీనివాస్‌ హిందీలో అరంగేట్రం చేస్తున్నాడు. మాస్‌ సినిమాలకు పెట్టిన పేరైన వీవీ వినాయక్‌ ఈ సినిమాకు దర్శకత్వం వహిస్తున్నారు. అప్పుడెప్పుడో రెండేళ్ల క్రితం ఈ సినిమా నిర్మాణంపై ప్రకటన వచ్చిన సినిమా ఇంతవరకు విడుదలకు నోచుకోలేదు. ఒకానొక సమయంలో ఈ సినిమా నేరుగా ఓటీటీలోనే రిలీజవుతుందంటూ వార్తలు కూడా వచ్చాయి. కాగా గతకొంత కాలంగా ఈ సినిమాకు సంబంధించిన అప్‌డేట్‌లు ఎలాంటివి రాకపోవడంతో అసలు ఈ సినిమా ఉందన్న విషయమే ప్రేక్షకులు మెల్లిమెల్లిగా మర్చిపోయారు. ఇలాంటి సమయంలో ఈ సినిమాకు సంబంధించిన ఓ వార్త నెట్టింట తెగ వైరల్‌ అవుతోంది. ఛత్రపతి హిందీ రీమేక్‌ను మే5న ప్రేక్షకుల ముందుకు తీసుకురావాలని మేకర్స్‌ సన్నాహాలు చేస్తున్నారట. ఇప్పటి నుంచే ప్రమోషన్‌లను జరిపే ఆలోచనలో ఉన్నట్లు కూడా తెలిసింది. ఇప్పటి వరకైతే ఈ సినిమాపై ప్రేక్షకుల్లో ఎలాంటి అంచనాలు లేవు. అయితే బెల్లంకొండ శ్రీనివాస్‌ సినిమాల హిందీ వెర్షన్‌కు యూట్యూబ్‌లో మిలియన్లలో వ్యూస్‌ ఉన్నాయి.
దాంతో ప్రమోషన్‌లను గ్రాండ్‌గా జరిపితే మంచి ఓపెనింగ్స్‌ వచ్చే అవకాశం ఉందని మేకర్స్‌ భావిస్తున్నారు.
‘ఛత్రపతి’ హిందీ వెర్షన్‌ విడుదలకు సన్నాహాలు?
