తెలుగు ప్రేక్షకుల మన్ననలు పొందిన నటులలో ధనుష్‌ ఒకరు. నేరుగా తెలుగులో సినిమాలు చేయకపోయినా ఇక్కడ ఆయనకు మంచి ఫ్యాన్‌ ఫాలోయింగ్‌ ఉంది. హీరో రజనీకాంత్‌ అల్లుడు అయినప్పటికీ.. తనకంటూ ఓ ప్రత్యేకమన గుర్తింపు తెచ్చుకున్నాడు. విలక్షణమైన సినిమాలు చేస్తూ ప్రేక్షఖులను అలరిస్తూ వస్తున్నాడు. ప్రస్తుతం ధనుష్‌ తన 43వ సినిమా షూటింగ్‌లో త్యాగరాజన్‌ సమర్పణలో జరుగుతోంది.ఈ చిత్రానికి కార్తీక్‌ నరేన్‌ దర్శకత్వం వహిస్తున్నారు. జీవీ ప్రకాశ్‌ కుమార్‌ ఈ సినిమాకు సంగీతం అందిస్తున్నారు. తాజాగా ఈ సినిమాకు సంబంధించి.. ఫస్ట్‌లుక్‌ను జులై 28వ తేదీ ఉదయం 11 గంటలకు విడుదల చేస్తున్నట్లు చిత్ర యూనిట్‌ ప్రకటించింది. ఈ సినిమాలో మాళవిక మోహనన్‌ హీరోయిన్‌గా నటిస్తోంది. ఇక ఈ సినిమా ఫస్ట్‌లుక్‌ కోసం అభిమానులు ప్రేక్షకులు ఎంతో ఆతృతగా ఎదురుచూస్తున్నారు.
