: చిరంజీవి
‘నారప్ప’ సినిమా అమెజాన్‌ ప్రైమ్‌లో విడుదలై ప్రేక్షకులను విశేషంగా ఆకట్టుకుంటోంది. ఈ చిత్రంలో వెంకటేష్‌ను గతంలో ఎన్నడూ చూడని రోల్‌లో చూసి అభిమానులు షాక్‌ అయ్యారు.తాజాగా ఈ సినిమాని మెగాస్టార్‌ చిరంజీవి అభినందించారు.‘నారప్ప’ పాత్రలో వెంకటేష్‌ నటించలేదు.. జీవించారు అంటూ కితాబు ఇచ్చారు. ఈ సినిమా కోసం పని చేసిన ప్రతీ ఒక్కరికి ఆయన ప్రత్యేకంగా అభినందనలు తెలిపారు. ప్రస్తుతం చిరు రివ్యూ ఇచ్చిన వీడియో సోషల్‌మీడియాలో వైరల్‌ అవుతోంది. సురేష్‌ ప్రొడక్షన్స్‌, వి క్రియేషన్స్‌ బ్యానర్లు సంయుక్తంగా సమర్పించిన ఈ సినిమాకు శ్రీకాంత్‌ అడ్డాల దర్శకత్వం వహించారు. డి. సురేష్‌ బాబు నిర్మాతగా వ్యవహరించారు. వెంకటేష్‌ జోడీగా అందాల తార, సీనియర్‌ హీరోయిన్‌ ప్రియమణి నటించింది. రావు రమేష్‌, రాజీవ్‌ కనకాల కీలక పాత్రలు పోషించారు. మణిశర్మ బాణీలు కట్టారు.
