ముంబై : ప్రభాస్‌తో నటిస్తున్నప్పుడు టెన్షన్‌ ఉండదు..అంటోంది బాలీవుడ్‌ బ్యూటీ కృతి సనన్‌. ప్రభాస్‌ నటిస్తున్న పాన్‌ ఇండియన్‌ సినిమాల్లో ‘ఆదిపురుష్‌’ ఒకటి. ఇది ఆయన నటిస్తున్న మొదటి స్ట్రయిట్‌ హిందీ మూవీ కావడం విశేషం. మొదటిసారి ప్రభాస్‌ నటిస్తున్న ఈ పౌరాణిక చిత్రంలో ఆయన రాముడిగా కనిపించ బోతుండగా, సీత్ర పాత్రలో కృతి సనన్‌, లంకేశ్‌ పాత్రలో సైఫ్‌ అలీఖాన్‌, లక్ష్మణ పాత్రలో సన్నీ సింగ్‌ కనిపిచబోతున్నారు. ఇటీవలే సైఫ్‌, కృతి సనన్‌ తమ పాత్రలకి సంబంధించిన షూటింగ్‌ పూర్తి చేశారు. ఈ క్రమంలో తాజాగా ఆమె ఇచ్చిన ఓ ఇంటర్వ్యూలో ప్రభాస్‌ గురించి ఆసక్తికరమైన వ్యాఖ్యలు చేశారు. కృతి సనన్‌ మాట్లాడుతూ.. ‘స్క్రీన్‌ మీద మా జంట బాగా అందంగా కనపడుతుంది’ అన్నారు. అంతేకాదు ప్రభాస్‌ షూటింగ్‌ మొదలైనప్పుడు సెట్‌లో కాస్త సిగ్గుపడుతూ కనిపిం చారు. కానీ, ఆ తర్వాత అలవాటుపడ్డారని.. ప్రభాస్‌తో టెన్షన్‌ ఉండదు. ఆయనతో నటించడం చాలా హ్యాపీగా ఉంది’ అంటూ చెప్పుకొచ్చారు కృతి.
