నిర్మాణ సంస్థ, డిస్ట్రిబ్యూష‌న్ కంపెనీ ప్రైమ్ షో ఎంటర్టైన్మెంట్ వైవిధ్య‌మైన క‌థా చిత్రాల‌తో ప్రేక్ష‌కులను ఎంట‌ర్‌టైన్ చేయ‌డానికి సిద్ధ‌మ‌వుతుంది. వ‌రుస సినిమాల‌ను రూపొందిస్తోన్న రాబోయే రోజుల్లో ప్ర‌ముఖ నిర్మాణ సంస్థ‌ల్లో ఒక‌టిగా నిల‌వ‌డానికి ప్లాన్ చేసుకుంది.
ఈ బ్యాన‌ర్‌లో తొలి చిత్రంగా ‘హౌస్ అరెస్ట్‌’ ప్రేక్ష‌కుల ముందుకు రాబోతుంది. నిజానికి ఈ సినిమాను డైరెక్ట్ ఓటీటీల్లో విడుదల చేయ‌డానికి కొంద‌రు సంప్ర‌దించిన‌ప్ప‌టికీ నిర్మాత‌లు ఆఫ‌ర్స్‌ను వ‌ద్ద‌ని, థియేట‌ర్స్‌లోనే అస‌లు కిక్ ఉంటుంద‌ని భావించి ‘హౌస్ అరెస్ట్‌’ చిత్రాన్ని థియేట‌ర్స్‌లో ఆగ‌స్ట్ 27న విడుదల చేయ‌డానికి స‌న్నాహాలు చేస్తున్నారు. రీసెంట్‌గా విడుద‌లైన ఈ సినిమా టీజ‌ర్‌కు పిల్ల‌లు, ఫ్యామిలీ ఆడియెన్స్ నుంచి చాలా మంచి రెస్పాన్స్ వ‌చ్చింది.
‘90 ఎం.ఎల్’ చిత్రాన్ని తెరకెక్కించిన శేఖర్ రెడ్డి ఎర్రా దర్శకత్వంలో రూపొందిన ఈ చిత్రంలో శ్రీనివాస్ రెడ్డి, సప్తగిరి ప్రధాన పాత్రల్లో నటించారు. ప్రైమ్ షో ఎంటర్టైన్మెంట్ బ్యానర్‌పై కె.నిరంజన్ రెడ్డి ఈ సినిమాను నిర్మిస్తున్నారు. రవిబాబు, అదుర్స్ రఘు, రవి ప్రకాశ్, తాగుబోతు రమేశ్, ఫ్రస్టేటెడ్ సునైన, కౌశిక్ తదితరులు ఈ చిత్రంలో కీలక పాత్రల్లో నటించారు.
అశ్రిన్ రెడ్డి ఎగ్జిక్యూటివ్ ప్రొడ్యూసర్‌గా వ్య‌వ‌హ‌రిస్తోన్న ఈ చిత్రానికి అనూప్ రూబెన్స్ సంగీతాన్ని అందిస్తున్నారు. జె.యువరాజ్ సినిమాటోగ్రాఫ‌ర్‌గా, ఛోటా కె.ప్రసాద్ ఎడిట‌ర్‌, చంద్రబోస్ లిరిసిస్ట్‌గా వ‌ర్క్ చేస్తున్నారు.
న‌టీన‌టులు:
శ్రీనివాస్ రెడ్డి, సప్తగిరి, అదుర్స్ రఘు, ర‌విప్ర‌కాశ్‌, రవిబాబు, తాగుబోతు ర‌మేవ్‌, ఫ్రస్టేటెడ్ సునైన, కౌశిక్ తదితరులు
సాంకేతిక వ‌ర్గం:
ద‌ర్శ‌కత్వం: శేఖర్ రెడ్డి ఎర్రా
నిర్మాత: కె.నిరంజన్ రెడ్డి
బ్యాన‌ర్‌: ప్రైమ్ షో ఎంటర్టైన్మెంట్
స‌మ‌ర్ప‌ణ: ఎస్.ఎం.టి చైత‌న్య
ఎగ్జిక్యూటివ్ ప్రొడ్యూస‌ర్‌: అశ్రిన్ రెడ్డి
సంగీతం: అనూప్ రూబెన్స్
సినిమాటోగ్ర‌ఫీ: జె.యువరాజ్
పాట‌లు: చంద్రబోస్
ఎడిట‌ర్‌: ఛోటా కె.ప్రసాద్
ఆర్ట్‌: జి.ఎం.శేఖర్
ఫైట్స్‌: వెంక‌ట్‌
పి.ఆర్‌.ఓ: వంశీ శేఖర్
ప్రొడ‌క్ష‌న్ కంట్రోల‌ర్‌: కె.సూర్య నారాయ‌ణ
