Friday, February 3, 2023
Friday, February 3, 2023

చైనా`రష్యాల మధ్య స్నేహం పటిష్ఠం

బీజింగ్‌ : చైనారష్యా దేశాలు నూతన సహకారంలో వినూత్న మార్గాలను అన్వేషించాలని, రెండు దేశాల మధ్య సహకారం రంగం మరింత విస్తరించాలని కాంక్షిం చాయి. చైనారష్యాల మధ్య స్నేహ పూర్వక ఆచరణాత్మక సహకార ఒప్పందంపై సంతకం చేసిన 20వ వార్షికోత్సవాన్ని ఘనంగా జరుపుకున్నారు. ఈ సందర్భంగా చైనా అధ్యక్షుడు జిన్‌పింగ్‌ రష్యా అధ్యక్షుడు పుతిన్‌ బుధవారం ఫోన్‌లో సంభాషించారు. రెండు దేశాల మధ్య అభివృద్ధికి గణనీయమైన మద్దతును పలికారు. కోవిడ్‌ నియంత్రణ టీకా అభివృద్ధికి రష్యాతో కలిసి పనిచేయడానికి చైనా సిద్ధంగా ఉందని జిన్‌పింగ్‌ పేర్కొన్నారు. సమగ్ర వ్యూహాత్మక భాగస్వాములుగా రష్యా జోక్యంపై సహకారాన్ని మరింతగా పెంపోందించు కోవాలని తమ జాతీయ భవిష్యత్తును తమ చేతుల్లో ఉంచుకోవాలని జిన్‌పింగ్‌ స్పష్టం చేశారు. భద్రత, అభివృద్ధి ప్రయోజనాలను కాపాడేందుకు సంఫీుభావం, సమన్వయం, పరస్పర మద్దతు బలోపేతానికి ఈ సంవత్సరం షాంఘై కో ఆపరేషన్‌ ఆం్గనైజేషన్‌ స్థాపించిన 20వ వార్షికోత్సవం సందర్భంగా రెండు దేశాలు ఉపయోగించుకోవాలని నిర్ణయించాయి. ప్రస్తుత అఫ్గాన్‌ పరిస్థితిపై రెండు దేశాల నాయకులు లోతైన అభిప్రాయాలను మార్పిడి చేసుకున్నారు. అఫ్గాన్‌ సార్వభౌమత్వం, స్వాతంత్య్రం, ప్రాదేశిక సమగ్రతను గౌరవిస్తుందని దాని అంతర్గత వ్యవహారాలలో జోక్యం చేసుకోని విధానానికి కట్టుబడి ఉండాలని రాజకీయ మార్గాల ద్వారా అఫ్గాన్‌ సమస్యను పరిష్కరిం చడంలో నిర్మాణాత్మక పాత్ర పోషించారని జిన్‌పింగ్‌ నొక్కి చెప్పారు. రష్యా` చైనా సంబంధాల అభివృద్ధిలో రష్యా సంతృప్తిగా ఉందని పుతిన్‌ అన్నారు. 76 సంవత్సరాల క్రితం రష్యా, చైనాలు ప్రపంచ ఫాసిస్టు వ్యతిరేక యుద్ధ విజయం గుర్తుగా గొప్ప జాతీయ త్యాగాలు, నిర్ణయాత్మక రచనలు చేశాయని గుర్తు చేశారు. ప్రస్తుత పరిస్థితుల్లో రెండుపక్షాలు వ్యూహాత్మక సమన్వయాన్ని తీవ్రతరం చేసుకోవాలని సూచించారు. అఫ్గాన్‌ సమస్యపై రష్యా,చైనాలు ఉమ్మడి నిర్ణయాలను పంచుకుంటున్నాయిని పేర్కొన్న పుతిన్‌ కమ్యూనికేషన్‌, సంబంధిత రంగాల్లో చురుకుగా పాల్గొనేందుకు ఆఫ్గాన్‌లో పరిస్థితిని సజావుగా మార్చడానికి, చైనాతో కలిసి పనిచేయడానికి తమ దేశం సిద్ధంగా ఉందన్నారు.

సంబంధిత వార్తలు

spot_img

తాజా వార్తలు

spot_img