రసాయనశాస్త్రంలో ప్రతిష్టాత్మక నోబెల్ బహుమతి ఈ ఏడాది ఇద్దరిని వరించింది. జర్మనీకి చెందిన బెంజమిన్ లిస్ట్, అమెరికాకు చెందిన డేవిడ్ డబ్ల్యూసీ మెక్మిలన్లకు కెమిస్ట్రీ నోబెల్ ఇస్తున్నట్లు రాయల్ స్వీడిష్ అకాడమీ బుధవారం ప్రకటించింది.అణువులను నిర్మించడానికి అసిమెట్రిక్ ఆర్గానోకాటలిసిస్ అనే కొత్త మార్గాన్ని అభివృద్ధి చేసినందుకుగాను ఈ ప్రతిష్టాత్మక అవార్డు లిస్ట్, మెక్మిలన్లకు దక్కింది. లిస్ట్, మెక్మిలన్ల ఆవిష్కరణ ఫార్మాసూటికల్ పరిశోధనలపై గొప్ప ప్రభావం చూపించిందని, రసాయన శాస్త్రాన్ని పర్యావరణ హితంగా మార్చిందని అకాడమీ తన ప్రకటనలో పేర్కొంది. విజేతలకు 11 లక్షల డాలర్ల ప్రైజ్మనీని సమానంగా పంచుతారు.