Sunday, February 5, 2023
Sunday, February 5, 2023

4వ తరగతి విద్యార్థికి కార్డియాక్‌ అరెస్ట్‌.. స్కూల్‌ బస్సులోనే కుప్పకూలి మృతి

నాలుగో తరగతి చదువుతున్న ఓ బాలుడు కార్డియాక్‌ అరెస్ట్‌తో స్కూల్‌ బస్సులోనే కుప్పకూలి ప్రాణాలు విడిచాడు. ఈ దిగ్భ్రాంతికర ఘటన మధ్యప్రదేశ్‌ రాష్ట్రంలోని భింద్‌ జిల్లాలో గురువారం (డిసెంబర్‌ 15) మధ్యాహ్నం చోటుచేసుకుంది. అప్పటిదాకా మిత్రులతో కలిసి సరదాగా ఉన్న పిల్లాడు ఉన్నపలంగా కుప్పకూలి మరణించిన వార్త విని తల్లిదండ్రులు నిశ్చేష్టులయ్యారు. ఆ బాలుడి వయస్సు 12 ఏళ్లు. కార్డియాక్‌ అరెస్ట్‌ కారణంగా మృతి చెందిన అతి పిన్నవయస్కుడు అతడే కావొచ్చునని బాలుడిని పరిశీలించిన వైద్యుడు అన్నారు. ‘కోవిడ్‌-19 తర్వాత ఇలాంటి ఘటనలు పెరిగాయని ఒక అధ్యయనంలో తేలింది. అయితే, గుండెపోటుతో ఈ వయసు బాలుడు మరణించడం ఇదే తొలిసారి’ అని ఆయన అన్నారు. భింద్‌ జిల్లాలోని ఓ గ్రామానికి చెందిన మనీశ్‌ జాటవ్‌ (12) స్థానిక పాఠశాలలో 4వ తరగతి చదువుతున్నాడు. గురువారం ఉదయం ఎప్పటిలాగే అతడు స్కూల్‌కు వచ్చాడు. మధ్యాహ్నం అతడు తన సోదరుడితో కలిసి స్కూల్లో మధ్యాహ్న భోజనం చేశాడు. 2 గంటలకు తరగతులు ముగిసిన తర్వాత ఇంటికి తిరిగి వెళ్లేందుకు స్కూల్‌ బస్సు ఎక్కాడు.బస్సు కొద్ది దూరం వెళ్లాక బాలుడు ఒక్కసారిగా కుప్పకూలాడు. గమనించిన బస్సు డ్రైవర్‌.. వెంటనే స్కూల్‌ సిబ్బందికి సమాచారం ఇచ్చి, బాలుడిని హుటాహుటిన ఆసుపత్రికి తీసుకెళ్లాడు. అయితే, మనీశ్‌ అప్పటికే మృతి చెందాడని వైద్యులు చెప్పారు. కార్డియాక్‌ అరెస్ట్‌ కారణంగా బాలుడు మరణించాడని వెల్లడిరచారు. ‘ఆస్పత్రికి వచ్చేసరికే బాలుడు ప్రాణాలతో లేడు. సీపీఆర్‌ చేసినా అతడిని కాపాడలేకపోయాం’ అని వైద్యులు తెలిపారు. తన కుమారుడికి ఎలాంటి ఆనారోగ్య సమస్యలు లేవంటూ మనీశ్‌ తండ్రి కన్నీటిపర్యంతమయ్యారు.అమెరికన్‌ హార్ట్‌ అసోసియేషన్‌ నిర్వహించిన ఇటీవలి పరిశోధన ప్రకారం.. కార్డియాక్‌ అరెస్ట్‌కు గురవుతున్న వారిలో 13 శాతానికి పైగా కేసులు 20 ఏళ్ల నుంచి 40 ఏళ్ల మధ్య వయస్సు వారే ఉంటున్నారు. అయితే, ఇండియన్‌ హార్ట్‌ అసోసియేషన్‌ నివేదిక ప్రకారం.. ఈ సంఖ్య ఎక్కువగా ఉంటోంది.భారతీయుల్లో కార్డియాక్‌ అరెస్ట్‌కు గురవుతున్న కేసుల్లో.. 20 నుంచి 40 ఏళ్ల మధ్య వయసు వారే, ఇతర జనాభా కంటే ఎక్కువగా ఉంటున్నారు. పైగా ఇది తరచుగా ఎలాంటి హెచ్చరిక లేకుండానే వస్తోంది. ఉత్తర ప్రదేశ్‌లోని మీరట్‌ నగరంలో కొద్ది రోజుల కిందట ఓ యువకుడు తన స్నేహితులతో కబుర్లు చెప్పుకుంటూ నడుస్తూ, నడుస్తూనే కుప్పకూలి మరణించిన సంగతి తెలిసిందే.

సంబంధిత వార్తలు

spot_img

తాజా వార్తలు

spot_img