విశాలాంధ్ర-పెద్దకడబూరు : మండల పరిధిలోని నౌలేకల్ గ్రామంలో వెలసిన శ్రీశ్రీశ్రీ జగద్గురు మౌనేశ్వర స్వామి పంచమ వార్షిక జాతర మహోత్సవం స్వస్తి శ్రీ శాలివాహన శకము 1944 శ్రీ శుభకృత్ నామ సంవత్సరము మాఘ మాసము శుద్ధ త్రయోదశి శుక్రవారం ఘనంగా జరిగింది. ఉదయం 5 గంటలకు స్వామివారికి పంచామృతాభిషేకంలతో ప్రత్యేక పూజలు నిర్వహించారు. 8-00 గంటలకు జెండా ఆవిష్కరణ కార్యక్రమం జరిగింది. పతాక ఆవిష్కరణ ఉప్పరహోసళ్ళి శ్రీ నాగలింగస్వామి మఠం శ్రీసూరేంధ్ర స్వామిచే జరిగింది. ఉదయం 11 గంటలకు మహా మంగళహారతి, అన్నదాన కార్యక్రమం జరిగింది. సాయంత్రం 4 నుండి 6-15 నిమిషాల వరకు స్వామివారికి బాజాభజంత్రీలు , కళశాలు , భజన బృందం వారిచే పల్లకిసేవ నౌలేకల్ గ్రామోత్సవం తిరిగి మౌనేశ్వరస్వామి దేవాలయంనకు ఊరేగింపుగా చేరింది. ఈ కార్యక్రమంలో గ్రామ మాజీ సర్పంచ్ జయలక్ష్మీ, గ్రామ సర్పంచ్ పల్లవి నరేష్ కుమార్ గౌడ్, వైస్ సర్పంచ్ హనుమప్ప వైసీపీ నాయకులు మానప్ప, బసవరాజు, హనుమంతు, అంజినయ్య, నాగరాజు, కాశీం అధిక సంఖ్యలో భక్తులు పాల్గొన్నారు.
శ్రీశ్రీశ్రీ జగద్గురు మౌనేశ్వర స్వామి పంచమ ( 5 ) సంవత్సర మహోత్సవం
