చలి మంట

చెలరేగే చెట్ల కొమ్మల్లోంచి
ఊసులాడే ఆకుల సందుల్లోంచి
ముసిముసిగా నవ్విన కిరణాలు
ఒకింత చూపుల్ని ఒంపుతున్నాయి
కరుణించని చలి కొత్తగా కొరుకుతుంది
నిద్ర నుంచీ లేవనే ఉంటుంది
గాలికి ఎదురీదాలనే ఉంటుంది
చెవుల్లో గాలులు గంతులేస్తున్నాయి
మనసులో తపనలు
మధన పడుతుంటాయి
కాలాలు జారినపుడు
పూల పరిభాషలో వేసుకుంటాను
ఆకాశం రంగులు పులుముకున్నట్లు
కలలప్రపంచంలో రంగులపక్షిలా ఎగురుతాను
పిల్ల కాలువ నీటిలా చలి చలిగా వొణుకుతుంటాను
తెల్లవారు చలిమంట కోసం
ఎండిన ఆకుల కోసం
చూపులు పరితపిస్తుంటాయి.
కాలాలు ఎంతగొప్పవో కదా
మనం ఎలావున్నా
దాని ఉనికిని గుప్పెట్లో వాల్చుతుంది
ఎంత పోడుబారినా హత్తుకొనే చలిమంట పైనే
ఎంత ప్రేమ వరికంకులపై పిచ్చుకలు వాలినట్లు
-గవిడి శ్రీనివాస్‌, 7019278368