Friday, August 19, 2022
Friday, August 19, 2022

ఉన్నత విద్యాసంస్థలకు ర్యాంకులు ప్రకటించిన : కేంద్ర విద్యాశాఖ

నేషనల్‌ ఇనిస్టిట్యూషనల్‌ ర్యాకింగ్‌ ఫ్రేమ్‌వర్క్‌ కింద కేంద్ర విద్యాశాఖ ఉన్నత విద్యా సంస్థల ర్యాంకుల జాబితాను రూపొందించింది. శుక్రవారం నాడు విద్యాశాఖ మంత్రి ధర్మేంద్ర ప్రధాన్‌ విడుదల చేశారు. ఎన్‌ఐఆర్‌ఎఫ్‌ -2022 ర్యాకింగ్స్‌ ను మొత్తం 11విభాగాల్లో విడుదల చేశారు. దేశవ్యాప్తంగా ఉన్న విద్యాసంస్థలు, విశ్వవిద్యాలయం, మేనేజ్‌మెంట్‌, కళాశాలలు, ఫార్మసీ, మెడికల్‌, ఇంజినీరింగ్‌, ఆర్కిటెక్చర్‌, లా, రిసెర్చ్‌ ఇనిస్టిట్యూట్‌, (ఏఆర్‌ఐఐఏ) అటల్‌ ర్యాకింగ్‌ ఆఫ్‌ ఇనిస్టిట్యూషన్స్‌ ఆన్‌ ఇన్నోవేషన్‌ అఛీవ్‌మెంట్స్‌ ఈ విభాగాలుగా ఉన్నాయి. ఈ విద్యాసంస్థల్లోని విద్యా బోధన, కల్పిస్తున్న సౌకర్యాల ఆధారంగా 2016నుంచి ఈ ర్యాంకులను ప్రకటిస్తున్నారు.
ఓవరాల్‌ కేటగిరీలో మొదటి ర్యాంక్‌ ఐఐటీ మద్రాస్‌ కాగా 14వ స్థానంలో ఐఐటీ హైదరాబాద్‌ నిలిచింది. అలాగే యూనివర్సిటీ కేటగిరీలో 22వ స్థానంలో ఉస్మానియా యూనివర్సిటీ ఉంది. ఇంజినీరింగ్‌ కేటగిరీలో తొమ్మిదవ స్థానంలో ఐఐటీ హైదరాబాద్‌ నిలవగా, మొదటి స్థానంలో ఐఐటీ మద్రాస్‌, రెండవ స్థానంలో ఐఐటీ ఢల్లీి ఉన్నాయని కేంద్రం పేర్కొంది. ఫార్మసీ కేటగిరీలో మొదటి స్థానంలో జామియా హమ్దార్డ్‌ న్యూఢల్లీి ఉండగా , నేషనల్‌ ఇనిస్టిట్యూట్‌ ఆఫ్‌ ఫార్మాస్యూటికల్‌ ఎడ్యుకేషన్‌ హైదరాబాద్‌ రెండవ స్థానంలో ఉంది. అలాగే న్యాయ విభాగంలో మొదటి స్థానంలో నేషనల్‌ లా స్కూల్‌ ఆఫ్‌ ఇండియా, బెంగళూర్‌ కాగా నాల్గవ స్థానంలో నల్సార్‌ లా యూనివర్సిటీ ఎంపికైంది. మేనేజ్‌మెంట్‌ విభాగంలో 12వ స్థానంలో ఐఐటీ హైదరాబాద్‌ నిలిచింది.

సంబంధిత వార్తలు

spot_img

తాజా వార్తలు

spot_img