Wednesday, November 30, 2022
Wednesday, November 30, 2022

కాంగ్రెస్‌ పార్టీ ఎదుగుదలకు శక్తి వంచన లేకుండా పనిచేస్తా..మల్లికార్జున ఖర్గే

నేడు ఓ కూలి కుమారుడు కాంగ్రెస్‌ అధ్యక్షుడయ్యారని ..తన పనితనం అనుభవంతో కాంగ్రెస్‌ పార్టీకి జవసత్వాలు నింపేందుకు అంకిత భావంతో పని చేస్తానని అందరికీ హామీ ఇస్తున్నానన్నారు మల్లికార్జున ఖర్గే. కాంగ్రెస్‌ పార్టీ ఎదుగుదలకు శక్తివంచన లేకుండా పనిచేస్తానని ఆ పార్టీ అధ్యక్ష బాధ్యతలు చేపట్టిన సీనియర్‌ నేత మల్లికార్జున్‌ ఖర్గే స్పష్టం చేశారు. గత 24 ఏండ్లలో పార్టీ అధ్యక్షుడిగా ఎన్నికైన తొలి గాంధీయేతర నేత ఖర్గే కావడం గమనార్హం. కాంగ్రెస్‌ పార్టీలో బ్లాక్‌ కమిటీ చీఫ్‌గా 1969లో తన ప్రస్ధానం మొదలైందని..ఇప్పుడు మీరు దాన్ని ఉన్నత శిఖరాలకు తీసుకువెళ్లారని వ్యాఖ్యానించారు. పార్టీ అధ్యక్షుడిగా కార్యకర్తల బాగోగులు చూసుకుంటానని, మనమంతా అందరికోసం పనిచేసే సమున్నత భారత్‌ నిర్మాణానికి కలిసి పనిచేద్దామని పిలుపు ఇచ్చారు. పౌరులందరికీ సమాన అవకాశాలు కల్పిస్తూ విద్వేషం విరజిమ్మే వారి ఓటమికి పనిచేయాలని కోరారు. దేశం నుంచి ఆకలి, పేదరికం, నిరుద్యోగాన్ని రూపుమాపాలని అన్నారు. కాంగ్రెస్‌ పార్టీని ముందుకు తీసుకువెళ్లేందుకు ఉదయ్‌పూర్‌ చింతన్‌ శిబిరంలో రూపొందించిన బ్లూప్రింట్‌ను అమలు చేయడం మన బాధ్యతని ఆయన గుర్తుచేశారు. రైతులు, కూలీలు, మధ్యతరగతి వర్గాల సమస్యలను తెలుసుకునేందుకు పార్టీ నేత రాహుల్‌ గాంధీ చేపట్టిన భారత్‌ జోడో యాత్రపై ఖర్గే ప్రశంసలు గుప్పించారు. ఇక కాంగ్రెస్‌ అధ్యక్ష పదవిని చేపట్టేముందు ఖర్గే రాజ్‌ఘాట్‌ సందర్శించి మహాత్మ గాంధీకి నివాళులు అర్పించారు.

సంబంధిత వార్తలు

spot_img

తాజా వార్తలు

spot_img