Tuesday, October 4, 2022
Tuesday, October 4, 2022

జయలలిత వైద్యంలో ఎలాంటి లోపాలు లేవు..ఎయిమ్స్‌ డాక్టర్స్‌ ప్యానల్‌ రిపోర్ట్‌

తమిళనాడు దివంగత ముఖ్యమంత్రి జయలలితకు ఆస్పత్రిలో అందజేసిన చికిత్సకు సంబంధించిన నివేదికను ఆల్‌ ఇండియా ఇన్‌స్టిట్యూట్‌ ఆఫ్‌ ఇన్‌స్టిట్యూట్‌ వైద్య బృందం అందజేసింది. చికిత్సలో ఎలాంటి లోపాలూ లేవని ఆర్ముగస్వామి కమిషన్‌కు సమర్పించిన నివేదికలో పేర్కొంది. అన్నాడీఎంకే అధినేత్రి జయలలిత 2016లో అపోలో ఆస్పత్రిలో చికిత్స పొందుతూ మృతిచెందారు. రెండు నెలలకుపైగా ఆస్పత్రిలో ఉన్న జయలలిత మరణంపై అనుమానం ఉందని మాజీ సీఎం పన్నీర్‌సెల్వం అభ్యంతరం వ్యక్తం చేశారు. దీంతో విశ్రాంత న్యాయమూర్తి ఆర్ముగస్వామి నేతృత్వంలో కమిషన్‌ను అప్పటి తమిళనాడు సీఎం ఎడప్పాడి పళనిస్వామి ఏర్పాటుచేశారు.
జయలలిత మరణం గురించి పలువురిని ఈ కమిషన్‌ విచారించింది. తాజాగా, ఎయిమ్స్‌ వైద్యబృందం మూడు పేజీల నివేదికను సమర్పించింది. ‘‘అపోలో చేరకముందే జయలలితకు థైరాయిడ్‌, బీపీ, షుగర్‌ మొదలైన పలు అనారోగ్య సమస్యలున్నాయి.. అనారోగ్యానికి గురైన ఆమెన సెప్టెంబరు 22న ఆపోలో చేర్పించారు.. చికిత్స సమయంలో ద్రాక్ష, కేక్‌, స్వీట్లు వంటివి తినడంతోనే సెప్టెంబరు 28న ఆమె ఆరోగ్యం క్షీణించి ఊపిరితిత్తుల సమస్య తలెత్తింది.. దీంతో అక్టోబరు 7న ట్రాకియోస్టమీ చికిత్స ప్రారంభించారు.. అక్టోబరు 14 నుంచి లండన్‌ వైద్యుడు రిచర్డ్‌ బిలే, అపోలో ప్రత్యేక వైద్యులు, ఎయిమ్స్‌ వైద్యులు చికిత్స అందించారు.. డిసెంబరు 3 న ఆమె ఆరోగ్యం మరింత క్షీణించి, 4వ తేదీ శ్వాసతీసుకోవడానికి ఇబ్బంది పడ్డారు.. ఎక్మో ఏర్పాటుచేసి 24 గంటలు పర్యవేక్షించారు.. మర్నాడు డిసెంబరు 5 న మెదడు, గుండె పనిచేయలేదని వైద్యులు నిర్ధారించారు.. ఆమెకు అందించిన చికిత్సలో ఎలాంటి లోపాలు లేవు.. ఆపోలో వైద్యుల తుది నిర్దారణతో మేము ఏకీభవిస్తున్నాం’’ అని నివేదికలో పేర్కొంది.ఎయిమ్స్‌ కార్డియాలజీ విభాగం ప్రొఫెసర్‌ డాక్టర్‌ సందీప్‌ సేత్‌ నేతృత్వంలోని వైద్య బృందం ఆగస్టు 4 నివేదిక సమర్పించింది.

సంబంధిత వార్తలు

spot_img

తాజా వార్తలు

spot_img