Thursday, September 29, 2022
Thursday, September 29, 2022

బొమ్మే అమ్మ అనుకుని.. బస్సు వెనుక గుర్రం పరుగు… చలించిపోతున్న నెటిజన్లు

తల్లీ, బిడ్డల మధ్య ఉండే అనుబంధం.. ప్రేమ.. మాటల్లో చెప్పలేనిది. అయితే ఇది మనుషులకే పరిమితం కాదు.. జంతువుల్లో కూడా ఉంటుంది. మనుషులు.. తమ మనస్సుల్లో ఉన్న ప్రేమను మాటల్లో వ్యక్తీకరించుకునే అవకాశం ఉంటుంది. మూగజీవాలకు ఆ అవకాశం ఉండదు.. తమ చేతల్లోనే తమ మమకారాన్ని ప్రదర్శిస్తుంటాయి. అలాంటి ఎక్స్‌ప్రెషన్‌ ఒక్కోసారి కంట తడి కూడా పెట్టిస్తుంది.. మనస్సులను కదిలిస్తోంది. అలాంటి సంఘటన తమిళనాడులో చోటుచేసుకుంది.
కోయంబత్తూరులోని పేరూర్‌లో ఓ గుర్రం.. బస్సు వెనుక పరుగులు తీసింది. ఎందుకో తెలుసా..? ఆ బస్సుపై మరో గుర్రం బొమ్మ ఉండడంతో.. అది తన తల్లి అనుకుని బస్సు వెనుక పరుగెత్తింది. గుర్రం పరుగెత్తడం ఆ ప్రాంతంలోని ప్రజలను కలవరపెట్టడమే కాకుండా సంబంధిత వీడియో చూస్తున్న వారిని ఒక్క నిమిషం ఉలిక్కిపడేలా చేసింది. సోషల్‌ మీడియాలో ప్రత్యక్షమైన ఈ గుర్రం వీడియో.. అందరిని కదిలిస్తుంది. దానిని చూసిన వారు కొన్ని నిమిషాల పాటు కన్నీళ్లు పెట్టుకుంటున్నారు.
పట్టీశ్వర దేవాలయం సమీపంలోని దర్పణం మండపం, పడితుర ప్రాంతాల్లో పదికి పైగా గుర్రాలు తిరుగుతున్నాయి. అవి ఆ ప్రాంతంలోపచ్చి గడ్డి మేస్తుంటాయి. అయితే వారం క్రితం ఆ పిల్ల గుర్రం మందలోని నుంచి తప్పిపోయింది. అది తల్లి గుర్రాన్ని వెదుక్కుంటూ ఆ ప్రాంతంమంతా తిరుగుతుంది. ఇదే సందర్భంలో ఓ బస్సుపై ఉన్న గుర్రపు బొమ్మను చూసి.. ఆ బొమ్మే తన తల్లి అనుకుంది. కాసేపు అక్కడే అటుఇటూ తిరిగింది. ఇంతలో బస్సు స్టార్ట్‌ కావడంతో తన తల్లి పరిగెత్తుతుందనే భావనతో పిల్ల గుర్రం కూడా బస్సు వెంట పరుగు తీసింది. ఈ ఘటనను కొందరు తమ కెమెరాల్లో బంధించారు. సోషల్‌ మీడియాలో షేర్‌ చేశారు.ఈ గుర్రవీడియో సోషల్‌ మీడియాలో వైరల్‌ అయింది. దీనిపై నెటిజన్లు ఉద్వేగంగా స్పందిస్తున్నారు. చాలా మంది నెటిజన్లు ఇటీవల తాము చూసిన బెస్ట్‌ వీడియో ఇదేనని అంటున్నారు. ఇంటర్నెట్‌లో చూసిన అద్భుతమైన విషయమని పేర్కొంటూ కామెంట్లు పెడుతున్నారు.

సంబంధిత వార్తలు

spot_img

తాజా వార్తలు

spot_img