Sunday, August 14, 2022
Sunday, August 14, 2022

లక్షకు చేరువగా కరోనా యాక్టివ్‌ కేసులు

దేశంలో కరోనా వైరస్‌ వ్యాప్తి కొనసాగుతోంది. స్వల్ప హెచ్చుతగ్గులతో కేసులు నమోదవుతున్నాయి. తాజాగా దేశంలో 14,506 కరోనా కేసులు నమోదయ్యాయి. దీంతో మొత్తం కేసులు 4,34,33,345కు పెరిగాయి. ఇందులో 4,28,08,666 మంది బాధితులు కోలుకోగా, 5,25,077 మంది కరోనాకు బలయ్యారు. అయితే గత కొన్ని రోజులుగా రోజువారీ పాజిటివ్‌ కేసులు భారీగా నమోదవుతుండటంతో యాక్టివ్‌ కేసులు లక్షకు చేరువయ్యాయి. ప్రస్తుతం 99,602 కేసులు యాక్టివ్‌గా ఉన్నాయని కేంద్ర ఆరోగ్యశాఖ వెల్లడిరచింది. గత 24 గంటల్లో 30 మంది మృతిచెందారని, 11,574 మంది బాధితులు డిశ్చార్జీ అయ్యారని తెలిపింది. రోజువారీ పాజిటివిటీ రేటు 3.38 శాతానికి పెరిగిందని పేర్కొన్నది. మొత్తం కేసుల్లో 0.23 శాతం కేసులు యాక్టివ్‌గా ఉండగా, రికవరీ రేటు 98.56 శాతం, మరణాలు 1.21 శాతంగా ఉన్నాయని తెలిపింది. ఇప్పటివరకు 197.46 కోట్ల కరోనా వ్యాక్సిన్‌ డోసులను పంపిణీ చేశామని పేర్కొన్నది. ఇందులో మంగళవారం ఒకేరోజు 13,44,788 మంది వ్యాక్సిన్‌ తీసుకున్నారని వెల్లడిరచింది.

సంబంధిత వార్తలు

spot_img

తాజా వార్తలు

spot_img