కర్ణాటక సీఎం బసవరాజ్‌ బొమ్మై
మైసూరులో గ్యాంగ్‌రేప్‌కు గురైన యువతి పరిస్థితి విషమంగా ఉంది. ఆమెతో ఉన్న ఫ్రెండ్‌ ప్రస్తుతం హాస్పిటల్‌లో చికిత్స పొందుతున్నాడు.మైసూరులోని చాముండీ హిల్స్‌ వద్ద ఆరుగురు యువకులు ఆ యువతిని రేప్‌ చేశారు. కర్నాటక ఏడీజీపీ ప్రతాప్‌ రెడ్డి ఈ ఘటన పట్ల విచారణ చేపడుతున్నారు. గ్యాంగ్‌ రేప్‌ ఘటన పట్ల ఆ రాష్ట్ర సీఎం బసవరాజ్‌ బొమ్మై స్పందించారు. సామూహిక హత్యాచారానికి గురైన ఆ యువతిని హాస్పిటల్‌లో చేర్పించినట్లు చెప్పారు. గ్యాంగ్‌ రేప్‌ ఘటనను సీరియస్‌గా తీసుకున్నట్లు చెప్పారు. నిందితులను త్వరలోనే పట్టుకుంటామని, బాధితులకు న్యాయం చేస్తామన్నారు. ఈ ఘటన పట్ల ఆ రాష్ట్ర హోంశాఖ మంత్రి అరగా జననేంద్ర కూడా స్పందించారు. నిందితులను పట్టుకునేందుకు పోలీసులు ప్రయత్నిస్తున్నట్లు తెలిపారు. ఆసుపత్రిలో ఉన్న బాధితురాలి నుంచి వాంగ్మూలం తీసుకోనున్నట్లు మంత్రి తెలిపారు. తాను ఇవాళ మైసూరు వెళ్లనున్నట్లు ఆయన తెలిపారు.మంగళవారం రాత్రి 7 గంటలకు చాముండి హిల్స్‌ వద్ద అత్యాచార ఘటన జరిగింది. తాగిన మత్తులో వచ్చిన ఆరుగురు యువకులు ఆమెపై అఘాయిత్యానికి పాల్పడ్డారు.
సామూహిక అత్యాచార ఘటన దురదృష్టకరం
