లండన్ : వింబుల్డన్ పురుషుల డబుల్స్ టైటిల్ను క్రొయేషియా జోడీ నికోలా మెక్టిక్, మేట్ పావిక్ కైవసం చేసుకున్నారు. ఫైనల్లో మార్సెల్ గ్రానోల్లర్స్ (స్పెయిన్)-హోరాసియో జెబలోస్ల(అర్జెంటీనా) జోడీపై 6-4, 7-6 (5), 2-6, 7-5 స్కోర్తో విజయం సాధించారు. వింబుల్డన్ టైటిల్ నెగ్గిన మొట్ట మొదటి క్రొయేషియా డబుల్స్ జోడీగా వీరు రికార్డు సృష్టించారు. 20 ఏళ్ల క్రితం అదే దేశానికి చెందిన గోరాన్ ఇవానిసెవిక్ వింబుల్డన్ పురుషుల సింగిల్స్ టైటిల్ గెలుపొందాడు. మెక్టిక్-పావిక్ జంటకు ఈ సీజన్లో ఇది ఎనిమిదో టైటిల్ కావడం విశేషం. 2018లో ఆస్ట్రేలియా ఓపెన్తో పాటు యూఎస్ ఓపెన్ను పావిక్ వేర్వేరు భాగస్వాములతో కలిసి గెలుపొందాడు. మెక్టిక్కు మాత్రం ఇదే తొలి గ్రాండ్స్లామ్. టోక్యో ఒలింపిక్స్లోనూ వీరిద్దరూ జంటగా బరిలోకి దిగనున్నారు