పి ఎస్ యు విద్యార్థి సంఘం డిమాండ్
విశాలాంధ్ర ధర్మవరం:: పట్టణంలోని కొత్తపేటలో గల బాలుర మున్సిపల్ ఉన్నత పాఠశాలలో గణిత ఉపాధ్యాయుడిగా పనిచేస్తున్న రామకృష్ణను వెంటనే సస్పెండ్ చేయాలని ప్రగతిశీల విద్యార్థి సంఘం (పి ఎస్ యు) రాష్ట్ర అధ్యక్షులు మంజుల నరేంద్ర తెలిపారు. ఈ సందర్భంగా పాఠశాల యందు పిఎస్యు విద్యార్థి సంఘం నాయకులు ధర్నా నిర్వహించారు. అనంతరం మంజుల నరేంద్ర మాట్లాడుతూ ఒక ప్రభుత్వ ఉపాధ్యాయునిగా పనిచేస్తూ, పాఠశాలకు వెళ్లకుండా ప్రభుత్వ వేతనం తీసుకోవటం అనంతపురం నగరంలో సాయి గంగా అనే కోచింగ్ సెంటర్ పేరుతో తరగతులు నిర్వర్తిస్తూ అదేవిధంగా సోషల్ మీడియా వేదికగా ఆర్కే తెలుగు అని యూట్యూబ్ ఛానల్ పేరుతో స్వయానా అతని కోచింగ్ సెంటర్ పేరుతో తరగతి నిర్వహిస్తున్నారని తెలిపారు. ఈ టీచర్ పై గతంలోనూ పాఠశాలకు వెళ్లకుండా సెలవులు పెట్టి కోచింగ్ సెంటర్లో తరగతులు నిర్వహిస్తున్నారని అనేక విధాలుగా ఫిర్యాదులు వచ్చినప్పటికీ సంబంధిత విద్యాశాఖ అధికారులు చూసీచూడనట్టు వ్యవహరించడం దారుణం తెలిపారు. ప్రభుత్వ జీతం తీసుకుంటూ పేద విద్యార్థులకు నష్టం చేకూరుస్తున్న రామకృష్ణను వెనువెంటనే ప్రభుత్వం సస్పెండ్ చేయాలని వారు డిమాండ్ చేశారు. లేనిపక్షంలో అన్ని విద్యార్థి సంఘాలు పెద్ద ఎత్తున పోరాటాలు సలుపుతామని తెలిపారు. ఈ కార్యక్రమంలో ఏఐఎస్ఓ జిల్లా కార్యదర్శి నిరంజన్, పి ఎస్ యు పట్టణ అధ్యక్షులు నందకిషోర్ తో పాటు సాయి, వంశీ, ఆనంద్, కిషోర్ తదితరులు పాల్గొన్నారు.
గణిత ఉపాధ్యాయుడు రామకృష్ణను వెంటనే సస్పెండ్ చేయాలి..
