తెలంగాణ వ్యాప్తంగా ఫిబ్రవరి 1 నుంచి విద్యా సంస్థలన్నింటినీ పున:ప్రారంభిస్తున్నట్లు రాష్ట్ర విద్యా శాఖ మంత్రి సబితా ఇంద్రారెడ్డి అధికారికంగా వెల్లడిరచారు. విద్యా సంస్థల్లో కరోనా నిబంధనలను ఖచ్చితంగా అమలు చేయాలని స్పష్టం చేశారు. పాఠశాలల, కళాశాలల యాజమాన్యాలు ఉపాధ్యాయులు, విద్యార్థులు, తల్లిదండ్రులు తగిన జాగ్రత్తలు తీసుకోవాలని సూచించారు. మంగళవారం నుంచి తెలంగాణ రాష్ట్రంలో విద్యాసంస్థలు తిరిగి ప్రారంభం కానున్నాయి. ఈ నెలాఖరుతో తెలంగాణలో విద్యాసంస్థలకు ఇచ్చిన సెలవులు ముగియనున్నాయి. విద్యాసంస్థల్లో కరోనా నిబంధనలను కఠినంగా అమలు చేయాలని ప్రభుత్వం ఆదేశాలు ఇచ్చింది. తాజాగా రాష్ట్రంలో కరోనా పాజిటివిటీ రేటు తగ్గడంతోపాటు పొరుగు రాష్ట్రాల్లోనూ పాఠశాలలు తెరుచుకుంటున్న నేపథ్యంలో తెలంగాణలోనూ విద్యాసంస్థలు తెరవాలని ప్రభుత్వం నిర్ణయించింది. మరోవైపు విద్యాసంస్థల్లో వ్యాక్సినేషన్‌ను వేగవంతం చేయాలని వైద్యధికారులను ఆదేశించింది.
