Wednesday, November 30, 2022
Wednesday, November 30, 2022

మంత్రి తలసాని శ్రీనివాస్‌ యాదవ్‌ కుమారుడికి ఈడీ నోటీసులు

చికోటి ప్రవీణ్‌ కేసినో వ్యవహారంలో ఈడీ దర్యాప్తు ముమ్మరం
చికోటి ప్రవీణ్‌ కేసినో వ్యవహారంలో ఎన్‌ ఫోర్స్‌ మెంట్‌ డైరెక్టరేట్‌ దర్యాప్తును ముమ్మరం చేసింది. నేపాల్‌ లో బిగ్‌ డాడీ పేరుతో నిర్వహించిన కేసినోకు వెళ్లినట్టుగా భావిస్తున్న వారికి వరుసగా నోటీసులు పంపుతూ, విచారణ చేస్తోంది. ఈ క్రమంలో తాజాగా మంత్రి తలసాని శ్రీనివాస్‌ యాదవ్‌ కుమారుడు తలసాని సాయికిరణ్‌ యాదవ్‌ కు ఈడీ నోటీసులు జారీ చేసింది. విచారణకు రావాలని నోటీసుల్లో పేర్కొంది. మరోవైపు ఇదే అంశంలో తలసాని శ్రీనివాస్‌ యాదవ్‌ పీఏ హరీశ్‌ ఈ రోజు ఈడీ ముందు హాజరయ్యారు. బ్యాంక్‌ స్టేట్మెంట్లతో ఈడీ విచారణకు హరీశ్‌ హాజరయినట్టు సమాచారం. ఇంకోవైపు తలసాని సోదరులు తలసాని మహేశ్‌, తలసాని ధర్మేందర్‌ యాదవ్‌ లు కూడా ఇప్పటికే విచారణకు హాజరయ్యారు. ఇంకోవైపు టీఆర్‌ఎస్‌ ఎమ్మెల్సీ ఎల్‌.రమణ, ఏపీకి చెందిన మాజీ ఎమ్మెల్యే గురునాథ్‌ రెడ్డిని కూడా ఈడీ అధికారులు ప్రశ్నించారు. ఈడీ విచారణ సమయంలో ఎల్‌.రమణ అస్వస్థతకు గురి కావడంతో ఆయనను ఆసుపత్రికి తరలించిన సంగతి తెలిసిందే.

సంబంధిత వార్తలు

spot_img

తాజా వార్తలు

spot_img