Friday, December 2, 2022
Friday, December 2, 2022

రాఖీ పౌర్ణమి సందర్భంగా మహిళలకు టీఎస్‌ఆర్టీసీ గుడ్‌న్యూస్‌

టీఎస్‌ఆర్టీసీ కార్గో, పార్సిల్‌ సర్వీసుల్లో రాఖీలు పంపే ఛాన్స్‌
ఆర్టీసీ బస్సుల్లో ప్రయాణికుల సంఖ్యను పెంచడానికి సంస్థ ఎండీ సజ్జనార్‌ ఇప్పటికే ఎన్నో ప్రయోగాలు చేశారు. కొత్తకొత్త కార్యక్రమాలు చేపట్టి.. ప్రజల మన్ననలు పొందారు. రకరకాల ఆఫర్లు ప్రకటిస్తూ ప్రజలను ఆకట్టుకుంటున్నారు. తాజాగా మరో మంచి ఆఫర్‌ ప్రకటించారు. రాఖీ పౌర్ణమి సందర్భంగా మహిళలకు తెలంగాణ రాష్ట్ర రోడ్డు రవాణా సంస్థ శుభవార్త చెప్పింది.రాఖీ పౌర్ణమి రోజున మహిళలు వారి సోదరులకి స్వయంగా వెళ్లి రాఖీ కట్టలేని పరిస్థితులు ఉంటే.. టీఎస్‌ ఆర్టీసీ కార్గో, పార్సిల్‌ సర్వీసుల ద్వారా.. అతి తక్కువ ధరలకే రాఖీలను పంపించుకోవచ్చని ప్రకటించింది. టీఎస్‌ ఆర్టీసీ కార్గో, పార్సిల్‌ సర్వీసుల ద్వారా హైదరాబాద్‌, సికింద్రాబాద్‌ జంట నగరాల్లో డోర్‌ డెలివరీ సదుపాయం కల్పించింది. దీని గురించి పూర్తి సమాచారం కోసం 9154298858, 9154298829 నంబర్లలో సంప్రదించాలని టీఎస్‌ ఆర్టీసీ సూచించింది. ఊర్ల నుంచి హైదరాబాద్‌ రాలేని వారికి ఇది ఎంతో ఉపయోగపడుతుందని వివరించింది. మహిళలకు తెలంగాణ ఆర్టీసీ ఎప్పుడూ తోడు ఉంటుందని.. అందుకే వారికి ఉపయోగపడేలా ఇలాంటి కార్యక్రమాన్ని తీసుకొచ్చినట్టు ఆర్టీసీ తెలిపింది.

సంబంధిత వార్తలు

spot_img

తాజా వార్తలు

spot_img