Thursday, August 11, 2022
Thursday, August 11, 2022

రాష్ట్రానికి గవర్నర్‌ను మాత్రమే కాదు.. మీ సహోదరిని..: గవర్నర్‌ తమిళిసై

తెలంగాణ ఆవిర్భావ దినోత్సవం సందర్భంగా గురువారం ఉదయం రాజ్‌ భవన్‌లో కొద్ది మంది అధికార గణం మధ్య వేడుకలు జరిగాయి. ఈ సందర్భంగా గవర్నర్‌ తమిళిసై సౌందరరాజన్‌ కేక్‌ను కట్‌ చేశారు. అనంతరం ఆమె మాట్లాడారు. ఆమె ప్రసంగమంతా తెలుగులోనే సాగింది. ముందుగా ‘అందరికీ నమస్కారం’ అంటూ ప్రసంగాన్ని ప్రారంభించిన ఆమె.. ‘ఈ రాష్ట్రం నాది.. నేను ఈ రాష్ట్రానికి గవర్నర్‌ను మాత్రమే కాదు.. మీ సహోదరిని’ అని వ్యాఖ్యానించారు. తాను రాష్ట్రానికి గవర్నర్‌గా సేవ చేస్తూ.. ఎన్నో సవాళ్లను ఎదుర్కోవాల్సి వస్తోందని తమిళిసై అన్నారు. సవాళ్లు ఎదురవుతున్నా తాను బాధపడటం లేదని చెప్పారు. ఎవరు ఆపినా.. తెలంగాణ ప్రజలను కలుస్తాను.. కలుస్తూనే ఉంటాను అని స్పష్టం చేశారు. రాష్ట్ర ప్రజలకు సేవలు అందిస్తూనే ఉంటానని ప్రకటించారు. ఎంతోమంది అమరుల త్యాగ ఫలితంగానే తెలంగాణకు స్వేచ్ఛ లభించిందన్నారు. ‘తెలంగాణకు సేవ చేయడానికి రాష్ట్రపతి రామ్‌నాథ్‌ కోవింద్‌, ప్రధాని మోదీ నాకు గొప్ప అవకాశం ఇచ్చారు. నేను ఈ అవకాశాన్ని సద్వినియోగం చేసుకుంటున్నా. ఇందులో భాగంగా రాజ్‌భవన్‌ స్కూల్‌లో విద్యార్థుల కోసం భోజన ఏర్పాట్లు చేశా. కొవిడ్‌ కాలంలో నిర్విరామంగా ప్రజారోగ్య విభాగాన్ని పర్యవేక్షించాను. భద్రాచలం, ఆదిలాబాద్‌ ప్రాంతాలలో ఆదివాసీ ప్రజలను కలిసి సహపంక్తి భోజనం చేశా. అక్కడి ప్రజలకు పౌష్టికాహార కిట్లు పంపిణీ చేశా. పేద విద్యార్థులకు ల్యాప్‌ ట్యాప్‌లు అందించా’ అని తమిళిసై వివరించారు.

సంబంధిత వార్తలు

spot_img

తాజా వార్తలు

spot_img