Monday, September 26, 2022
Monday, September 26, 2022

సారీ చెప్తే సరిపోదు.. రేవంత్‌ క్షమాపణపై కోమటరెడ్డి రియాక్షన్‌

చుండూరు సభలో భువనగిరి ఎంపీ కోమటరెడ్డి వెంకటరెడ్డిపై సొంత పార్టీ నేతలు చేసిన వ్యాఖ్యలకు టీపీసీసీ చీఫ్‌ రేవంత్‌ రెడ్డి ఇవాళ బహిరంగ క్షమాపణ చెప్పారు. దీనిపై కోమటరెడ్డి వెంకటరెడ్డి మాట్లాడుతూ, రేవంత్‌ క్షమాపణలను తాను పట్టించుకోనని.. తనపై పరుష పదజాలంతో దూషించిన అద్దంకి దయాకర్‌ను పార్టీ నుంచి సస్పెండ్‌ చేయాలంటూ డిమాండ్‌ చేశారు. అద్దంకి దయాకర్‌ సస్పెన్షన్‌ తర్వాతే క్షమాపణలపై తాను స్పందిస్తానని కోమటరెడ్డి స్పష్టం చేశారు. ‘‘పార్టీ నుంచి అద్దంకి దయాకర్‌ను సస్పెండ్‌ చేయాల్సిందే. సస్పెండ్‌ చేస్తేనే మునుగోడులో ప్రచారానికి వెళ్తాను. కోమటరెడ్డి అంటే తమాషా అనిపిస్తుందా.. చిన్న పిల్లాడిలా మాట్లాడారు. సారీ చెప్తే సరిపోదు.. కాంగ్రెస్‌ పార్టీ నుంచి అద్దంకి దయాకర్‌ను సస్పెండ్‌ చేయాలి. మునుగోడులో ప్రచారానికి నాకు ఆహ్వానం లేదు. పిలవని పేరంటానికి వెళ్లే ప్రసక్తే లేదు. పార్టీలోని ఐపీఎస్‌ లాంటి పెద్దలే మునుగోడులో గెలిపిస్తారు. మునుగోడులో నన్ను అనరాని మాటలు అనిపించారు’’ అంటూ కోమటరెడ్డి ఆగ్రహం వ్యక్తం చేశారు. మరోవైపు టీపీసీసీ చీఫ్‌ రేవంత్‌ రెడ్డి క్షమాపణలు చెప్పిన వెంటనే.. కాంగ్రెస్‌ నేత అద్దంకి దయాకర్‌ కూడా కోమటరెడ్డికి సారీ చెప్పారు. చుండూరు బహిరంగ సభలో తాను మాట్లాడిన అభ్యంతరకర మాటలను వెనక్కి తీసుకుంటున్నట్లు తెలిపారు. భవిషత్యత్‌లో ఇలాంటి వ్యాఖ్యలు చేయనని దయాకర్‌ అన్నారు. అద్దంకి దయాకర్‌పై తదుపరి చర్యల కోసం క్రమశిక్షణా సంఘం చైర్మన్‌ చిన్నారెడ్డికి సూచన చేస్తున్నట్లు రేవంత్‌ రెడ్డి తెలిపారు.

సంబంధిత వార్తలు

spot_img

తాజా వార్తలు

spot_img