రైతు బీమా తరహాలో నేత కార్మికుల కోసం తెలంగాణ ప్రభుత్వం సరికొత్త కార్యక్రమం ప్రారంభించబోతోంది. జాతీయ చేనేత దినోత్సవం సందర్భంగా ఆగస్టు 7న ‘నేతన్న బీమా పథకం’ ప్రారంభిస్తామని ఐటీ, పురపాలక శాఖ మంత్రి కేటీఆర్‌ తెలిపారు. నేతన్నల కోసం ఈ విధమైన పథకాన్ని ప్రవేశపెట్టడం దేశంలో ఇదే తొలిసారి అని ఆయన వెల్లడిరచారు. రైతు బీమా మాదిరిగానే నేతన్నలకు ఈ పథకం కింద బీమాను వర్తింపజేస్తామని తెలిపారు. ఈ పథకం ద్వారా రాష్ట్రంలో సుమారు 80,000 మంది నేత కార్మికులకు లబ్ధి చేకూరనుందని కేటీఆర్‌ తెలిపారు. 60 ఏళ్లలోపు వయసున్న ప్రతి నేత కార్మికుడు ఈ పథకానికి అర్హులు. ఎవరైనా నేత కార్మికుడు దురదృష్టవశాత్తు మరణిస్తే.. ఆయన కుటుంబానికి 5 లక్షల రూపాయల బీమా పరిహారం అందించనున్నారు. చేనేత, మరమగ్గాల కుటుంబాలకు ఆర్థిక భరోసా కల్పించేందుకు నేతన్న బీమా పథకం దోహదపడుతుందని కేటీఆర్‌ విశ్వాసం వ్యక్తం చేశారు.
