అంతర్జాతీయ మహిళా దినోత్సవం సందర్భంగా టీఎస్‌ఆర్టీసీ ఇవాళ మహిళలకు ఉచిత ప్రయాణం అవకాశం కల్పించింది. రాష్ట్ర వ్యాప్తంగా 60 ఏళ్లకు పైబడిన మహిళలకు ఈరోజు ఆర్టీసీ బస్సులో ఉచిత ప్రయాణం ఉంటుందని ఆర్టీసీ ఎండీ సజ్జనార్‌ వెల్లడిరచారు. ఈ అవకాశం ఈ ఒక్క రోజు మాత్రమే ఉంటుందని తెలిపారు. హైదరాబాద్‌ నగరంలో మహిళా ప్రయాణికుల కోసం రద్దీ ఆధారంగా ప్రత్యేకంగా ట్రిప్పులు నడుపుతామన్నారు.మరోవైపు రాష్ట్ర వ్యాప్తంగా అన్ని బస్‌స్టాప్‌లలో మహిళా వ్యాపారులకు ఉన్న స్టాళ్లకు సంబంధించి ఈ నెల 31 వరకు ఎలాంటి ఛార్జీలు తీసుకోమని ప్రకటించారు. పూర్తిగా ఉచితంగా ఈ నెల 31 వరకు స్టాళ్లను కేటాయిస్తామన్నారు.
