హైదరాబాద్‌: తెలంగాణ రాష్ట్రవ్యాప్తంగా విద్యుత్‌ బిల్లు చెల్లింపు సేవలకు అవకాశం కల్పిస్తున్నామని గూగుల్‌ పే ప్రకటించింది. వినియోగదారులు ఈ యాప్‌ని ఉపయోగించి తమ విద్యుత్తు బిల్లులను సౌకర్యవంతంగా చెల్లించేందుకు అవకాశం ఉంటుంది. ఈ ప్రయత్నంలో భాగంగా, గూగుల్‌ పే రాష్ట్ర యాజమాన్యంలోని రెండు విద్యుత్‌ బిల్లర్లు-నార్తర్న్‌ పవర్‌ డిస్ట్రిబ్యూషన్‌ కంపెనీ ఆఫ్‌ తెలంగాణ లిమిటెడ్‌, తెలంగాణ స్టేట్‌ సదరన్‌ పవర్‌ డిస్ట్రిబ్యూషన్‌ కంపెనీ లిమిటెడ్‌లతో భాగస్వామ్యం కుదర్చుకుంది. ఈ ఒప్పందం రాష్ట్రంలోని గూగుల్‌ పే వినియోగదారుల చెల్లింపు ఎంపికలను విస్తరిస్తూ, యాప్‌ ద్వారా వారి విద్యుత్‌ బిల్లులను సరళంగా చెల్లించేందుకు వారికి సాధికారత కల్పిస్తుంది.
