విశాలాంధ్ర – నాగులుప్పలపాడు :- మండలంలోని ఉప్పుగుండూరు గ్రామ ఏకేజీఎన్ జిల్లా పరిషత్ ఉన్నత పాఠశాలకు 1999-2000 పదో తరగతి బ్యాచ్ పూర్వ విద్యార్థులు బీరువాను బుధవారం అందజేశారు. ఇటీవల ఆ బ్యాచ్ పూర్వ విద్యార్థుల సమావేశం నిర్వహించారు. ఈ సందర్భంగా తమ బ్యాచ్ తరఫున రూ.15 వేలు విలువైన బీరువాను పూర్వ విద్యార్థుల చేతుల మీదగా హెచ్.ఎం పీ.చలపతికి అందజేశారు. పాఠశాల అభివృద్ధికి తోడ్పాటు అందించిన పూర్వ విద్యార్థులను హెచ్ఎం అభినందించారు. కార్యక్రమంలో ఎంఈవో-1 టి.రవి, ఎంఈవో-2 ఈమని వెంకటరమణయ్య పూర్వ విద్యార్థి, చినగంజాం ఎంపీపీ కోమట్ల అంకమ్మరెడ్డి, కల్లూరు ఎస్సై గారపాటి రాజ్యలక్ష్మి, విశాఖ జిల్లా మధురవాడ ప్రభుత్వ జూనియర్ కళాశాల అధ్యాపకులు డాక్టర్ యాదల అనిల్, విశ్రాంత సైనికుడు వై శ్రీహరిరెడ్డి, కోయి శ్రీహరినాథ్, జ్యోతుల అనిల్ తదితరులు పాల్గొన్నారు.
23న పూర్వ విద్యార్థుల ఆత్మీయ సమ్మేళనం
విశాలాంధ్ర నాగులుప్పలపాడు :- ఉప్పుగుండూరు గ్రామంలోని ఏకేజిఎన్ జిల్లా పరిషత్ ఉన్నత పాఠశాలలో ఈనెల 23న ఆదివారం పూర్వ విద్యార్థుల ఆత్మీయ సమ్మేళనం ఏర్పాటు చేయనున్నట్లు నిర్వాహకులు ఒక ప్రకటనలో తెలిపారు. 1995-96 నాటి పదో తరగతి బ్యాచ్ పూర్వ విద్యార్థులు, ఉపాధ్యాయులు హాజరవుతారన్నారు. నాటి గురువులకు సన్మానం, పూర్వ విద్యార్థుల పరిచయ కార్యక్రమం నిర్వహించనున్నట్లు తెలిపారు.పూర్తి వివరాలకు కే విజయ్ కుమార్ 9885661189, కొలకలూరి బాలాజీ 7981172145 నంబర్లలో సంప్రదించాలన్నారు.
