కార్యదర్శి బి. సూర్యప్రకాష్
విశాలాంధ్ర – ధర్మవరం : పట్టణంలోని ప్రభుత్వ బాలుర ఉన్నత పాఠశాల క్రీడా మైదానము నందు ఈనెల 25వ తేదీ ఆదివారం ఉదయం 9 గంటలకు శ్రీ సత్యసాయి జిల్లా సీనియర్ మహిళలు సబ్ జూనియర్ బాలికల హాకీ జట్ల ఎంపికలు నిర్వహిస్తున్నట్లు హాకీ ఆంధ్రప్రదేశ్ ఉపాధ్యక్షులు అండ్ హాకీ శ్రీ సత్యసాయి జిల్లా అసోసియేషన్ కార్యదర్శి బి. సూర్యప్రకాష్ తెలిపారు. అనంతరం వారు మాట్లాడుతూ ధర్మవరంలో ఎంపికైన సీనియర్ మహిళల జట్టు హాకీ ఆంధ్రప్రదేశ్ ఆధ్వర్యంలో మార్చి 8వ తేదీ నుండి పదవ తేదీ వరకు ప్రకాశం జిల్లాలలో జరుగు సీనియర్ హాకీ పోటీలలో పాల్గొంటారని, సబ్ జూనియర్ బాలికల హాకీ జట్టు టోర్నమెంటు వేదిక, తేదీలు ఇంకను ఖరారు కాలేదని, తరువాత ప్రకటించడం జరుగుతుందని తెలిపారు. ఈ ఎంపిక పోటీలలో పాల్గొనబోవు సీనియర్ క్రీడాకారులు 01/01/1995 తర్వాత, సబ్ జూనియర్ క్రీడాకారులు 01/01/2008 తర్వాత జన్మించి ఉండాలని తెలిపారు. క్రీడాకారులు తమ వెంట ఆధార్ కార్డు, బర్త్ సర్టిఫికెట్ వెంట తీసుకొని రావాలని వారు తెలిపారు. ఈ అవకాశాన్ని హాకీ క్రీడాకారులు సద్వినియోగం చేసుకోవాలని తెలిపారు.
