విశాలాంధ్ర – అనంతపురం వైద్యం : ఆఫీస్ ఆఫ్ ఇంటర్నేషనల్ అఫైర్స్ అండ్ కోలాబరేషన్స్, ఆంధ్ర ప్రదేశ్ కేంద్రీయ విశ్వవిద్యాలయం పొలిటికల్ సైన్స్ విభాగంసహకారంతో 2024 జనవరి 20న ఆంధ్ర ప్రదేశ్ కేంద్రీయ విశ్వవిద్యాలయంలోని దీన్ దయాళ్ ఉపాధ్యాయ సమావేశ మందిరంలో విశిష్ట ఉపన్యాసాలను నిర్వహించింది. ఈ కార్యక్రమం ఆంధ్రప్రదేశ్ సెంట్రల్ యూనివర్శిటీ ఉపకులపతి ప్రొఫెసర్ ఎస్.ఎ.కోరి ఆధ్వర్యంలో జరిగింది. ఈ సదస్సును యూనివర్సిటీ ఇన్‌చార్జి డీన్ ప్రొఫెసర్ సి. షీలా రెడ్డి తన స్వాగత ప్రసంగంతో ప్రారంభించగా, అమెరికాలోని పెన్సిల్వేనియాలోని కమ్యూనిటీ కాలేజ్ ఆఫ్ అల్లెఘేనీ కౌంటీకి చెందిన ప్రొఫెసర్ సృజన కంజుల మొదట ఉపన్యసించారు. వారు’ అనుభవపూర్వకమైన మరియు విచారణ ఆధారిత అభ్యాస విధానం ‘ అనే అంశంపై ఒక అంతర్దృష్టితో కూడిన ఉపన్యాసం ఇచ్చారు. అటువంటి విద్యావిధానం ఆవశ్యకతను గురించి చర్చించారు. రెండవ ఉపన్యాసాన్ని యునిసెఫ్ ఇండియాలో సీనియర్ ఎడ్యుకేషన్ స్పెషలిస్ట్ డాక్టర్ బేగూర్ రామచంద్రరావు అందించారు. ఉపన్యాసం “ఎమోషనల్ ఇంటెలిజెన్స్: విజయానికి మరియు శ్రేయస్సుకు కీలకం” అనే శీర్షికతో సాగింది మరియు జీవితంలో మెరుగైన విజయానికి మేధా సంపత్తితో పాటు భావిద్యోగ నియంత్రణ యొక్క ప్రాముఖ్యత గురించి తెలియజేశారు. అనంతరం ప్రశ్నోత్తర పద్ధతిలో భాగంగా విద్యార్థినీ విద్యార్థులు సందేహ నివృత్తి చేసుకున్నారు. ఈ కార్యక్రమంలో ప్రొఫెసర్ రాజేంద్ర ప్రసాద్, ప్రోగ్రాం అసోసియేట్ ప్రొఫెసర్ & కన్వీనర్ డాక్టర్ బాబు.జి, , ఆంధ్ర ప్రదేశ్ సెంట్రల్ యూనివర్శిటీలోని వివిధ విభాగాలకు చెందిన అధ్యాపకులు మరియు విద్యార్థులు పాల్గొన్నారు.
