గంజాయి విక్రేతల ముఠాపై పోలీసుల ఉక్కు పాదం ఏడుగురు గంజాయి విక్రేతల అరెస్టు

విశాలాంధ్ర -అనంతపురం వైద్యం : గంజాయి విక్రేతల ముఠాపై పోలీసుల ఉక్కు పాదం ఏడుగురు గంజాయి విక్రేతలను అరెస్టు చేసిన గుంతకల్లు ఒన్ టౌన్ పోలీసులు. 6.5 కిలోల గంజాయి స్వాధీనం చేసుకున్నట్లు శుక్రవారం పోలీస్ కాన్ఫరెన్స్ హాల్లో విలేకరుల సమావేశం నిర్వహించారు. ఈ జిల్లా ఎస్పీ శ్రీ కేకేఎన్ అన్బురాజన్ మాట్లాడుతూ… గంజాయి అమ్ముతున్న నేరగాలని శుక్రవారం షికారి కాలనీ, గుంతకల్ లో గంజాయి కేసు నమోదు చేసి వారిని పట్టుకోవడం జరిగిందన్నారు.
1) షికారి నాగు, వయస్సు38 సం., షికారీ కాలనీ గుంతకల్లు 2) నరసప్ప, వయస్సు 49 సం., రచ్చమర్రి గ్రామం, మంత్రాలయం మండలం, కర్నూలు జిల్లా
3) నిస్సార్ అహమ్మద్ , వయస్సు 40 సం., రాఘవేంద్రకాలనీ, బుక్కరాయసముద్రం మండలం
4) మేకల ప్రసాద్ , వయస్సు 43 సం. తాటిచెర్ల గ్రామం, అనంతపురం రూరల్ మండలం
5) షికారి మంజుల, వయస్సు 32 సం., షికారీ కాలనీ గుంతకల్లు
6) ఎర్రతోట లక్ష్మణ్ణ, వయస్సు 50 సం, పల్లెపాడు మండలం, కోసిగి మండలం, కర్నూలు జిల్లా
7) పోయింటి ఈరన్న, వయస్స 49 సం., పల్లెపాడు మండలం, కోసిగి మండలం, కర్నూలు జిల్లా.
ఈ ముఠాలోని షికారి నాగు, నరసప్ప, నిస్సార్ అహమ్మద్, మేకల ప్రసాద్ , షికారి మంజులలు ముఠాగా ఏర్పడి మిగితా ఇద్దరు నిందితులైన ఎర్రతోట లక్ష్మణ్ణ, పోయింటి ఈరన్నల నుండీ గంజాయి కొనుగోలు చేస్తారు. ఒక కిలో రూ. 11 వేలుకు కొనుగోలు చేసి కిలో గంజాయి ని 300 ప్యాకెట్లుగా మార్చుకుంటారు. ఇలా… ఒక్కో ప్యాకెట్ ను రూ. 150 ప్రకారం గుంతకల్లు, అనంతపురం, బుక్కరాయసముద్రం, గుత్తి, తదితర ప్రాంతాలలో విక్రయించి అధిక సొమ్ము చేసుకుంటున్నారు.
గంజాయి అక్రమ రవాణా, విక్రయాలపై ప్రత్యేక నిఘా వేయాలని జిల్లా ఎస్పీ కేకేఎన్ అన్బురాజన్ ఆదేశాలు జారీ చేశారు. గుంతకల్లు డీఎస్పీ శివ భాస్కర్ రెడ్డి పర్యవేక్షణలో గుంతకల్లు ఒన్ టౌన్ సి.ఐ రామసుబ్బయ్య ఆధ్వర్యంలో సిబ్బంది మూర్తి, లక్ష్మినారాయణ, శివ, రమేష్ లు ప్రత్యేక బృందంగా ఏర్పడి ప్రత్యేక నిఘా వేశారు. పక్కా రాబడిన సమాచారంతో షికారి నాగు, నరసప్ప, నిస్సార్ అహమ్మద్, మేకల ప్రసాద్ , షికారి మంజులలను ఈరోజు ఉదయం గుంతకల్లు షికారి కాలనీ సమీపంలో అరెస్టు చేశారు. అనంతరం ఎర్రతోట లక్ష్మణ్ణ, పోయింటి ఈరన్నలను గుంతకల్లులోని ఆలూరు రోడ్డులో పట్టుకున్నారు. గంజాయి విక్రేతల ముఠాను పట్టుకున్న గుంతకల్లు ఒన్ టౌన్ సి.ఐ రామసుబ్బయ్య ఆధ్వర్యంలో సిబ్బంది మూర్తి, లక్ష్మినారాయణ, శివ, రమేష్ ల బృందాన్ని జిల్లా ఎస్పీ అభినందించారు.