జిల్లా ఎస్పీ శ్రీ కేకేఎన్ అన్బురాజన్
జిల్లా పోలీస్ స్పోర్ట్ అండ్ గేమ్స్ మీట్ -2023 ను ప్రారంభించిన జిల్లా ఎస్పీ
విశాలాంధ్ర అనంతపురం వైద్యం : నిత్యం విధుల్లో బ్యుజీగా ఉండే పోలీసు సిబ్బందికి స్పోర్ట్స్ అండ్ గేమ్స్ మానసికంగా, శారీరకంగా ఎంతో ఉల్లాసాన్ని కల్గిస్తాయని జిల్లా ఎస్పీ కేకేఎన్ అన్బురాజన్ అభిప్రాయపడ్డారు. కొంత వరకు పని ఒత్తిడి నుంచి కూడా ఉపశమనం పొందవచ్చని… నిత్యం మనం చేసే విధులకు ఈ క్రీడా స్ఫూర్తి ఎంతో దోహదం చేస్తుందని ఎస్పీ పేర్కొన్నారు. జిల్లా పోలీసుశాఖ ఆధ్వర్యంలో జరిగే జిల్లా పోలీస్ స్పోర్ట్ అండ్ గేమ్స్ మీట్ -2023 స్థానిక పోలీసు పరేడ్ మైదానంలో శుక్రవారం ఆయన లాంఛనంగా ప్రారంభించారు. ఈ స్టోర్డ్ మీట్లో జిల్లాలోని సబ్ డివిజన్లు, ఆల్ వింగ్స్ కలిపి 7 బృందాలు పాల్గొన్నాయి. ముందుగా… స్పోర్ట్స్ మీట్ అండ్ గేమ్స్ మీట్ ప్రారంభమయినట్లు సంకేతంగా కాగడా( జ్యోతి) వెలిగించారు. పతాకాలను ఆవిష్కరించారు. శుభ సూచికగా తెల్ల కపోతాలను, బెలూన్లను ఎగురవేశారు. ఆ తర్వాత ఎస్పీ మాట్లాడారు. ఆయన మాటల్లోనే… గౌరవ డిజిపి ఆదేశాల మేరకు ప్రతీ సంవత్సరం స్పోర్ట్ అండ్ గేమ్స్ మీట్ నిర్వహిస్తున్నాం. పోలీసులు నిత్యం బ్యుజీగా ఉండటం, ఒత్తిడికి గురవుతున్న సిబ్బందికి ఈ స్పోర్ట్స్ డ గేమ్స్ మీట్ ఎంతో మానసికోల్లాసాన్ని ఇస్తుంది. హోదాలు మరచి అందరూ ఒక టీంగా ఏర్పడి కష్టించాల్సి ఉంటుంది. చిన్న పెద్ద అనే బేధాలు లేకుండా సిబ్బంది మధ్య ఒక స్నేహపూర్వక
వాతావరణం ఏర్పడుతుంది. అంతేకాకుండా ఒక పని కోసం అందరూ కలసి శ్రమించే
తత్వం అలవడుతుంది. సిబ్బంది మధ్య సమన్వయం పెరుగుతుంది. సమిష్టిగా,
సమన్వయంతో పనిచేస్తే ఎలాంటి సవాళ్లనైనా సులువుగా ఎదుర్కోవచ్చు. పోలీసుశాఖలో
ప్రతీ ఒక్కరూ క్రమశిక్షణ, దేహదారుడ్యం కల్గి ఉండటం చాలా ముఖ్యం. ఈ స్పోర్ట్ అండ్
గేమ్స్ వల్ల ఇవి మెరుగుపడుతాయి. సిబ్బంది ఆరోగ్యానికి ఇవి కొలమానం కావాలి. వచ్చే స్పోర్ట్స్ అండ్ గేమ్స్ మీట్ కు మరింత మెరుగైన ఆరోగ్యంతో పాల్గొనేలా సిద్ధం చేసుకోవాలి. స్పోర్ట్ అండ్ గేమ్స్ లో పాల్గొనే ప్రతీ ఒక్కరూ నిబద్ధత కల్గి ఉండాలి. ఇదే మాదిరిగానే నిత్యం మనం చేసే విధుల్లో నిబద్ధత కనబరిస్తే ప్రజలకు మెరుగైనసేవలు అందించవచ్చు. తద్వారా పోలీసుశాఖకు కూడా మంచి పేరు వస్తుంది. పోలీసుశాఖలో చేరిన తొలినాళ్లలో నేర్చుకున్న శిక్షణను ఇవి మరువనీయవు. జిల్లాలో నిర్వహించే క్రీడల్లో మంచి ప్రతిభను కనబరిచి పోలీసుశాఖకు మంచి పేరు తీసుకురావాలని జిల్లా ఎస్పీ ఆకాంక్షించారు. ఈకార్యక్రమంలో అదనపు ఎస్పీలు ఆర్ విజయ భాస్కర్ రెడ్డి, జి.రామకృష్ణ, ఆర్ ఐ లు హరికృష్ణ, రాముడు, జిల్లా పోలీసు కార్యాలయం సిబ్బంది, పలువురు ఎస్సైలు, ఆర్ ఎస్ ఐ లు, జిల్లా పోలీసు అధికారుల సంఘం అడహక్ కమిటీ సభ్యులు సుధాకర్ రెడ్డి, గాండ్ల హరినాథ్, తేజ్ పాల్, శ్రీనివాసుల నాయుడు, శివప్రసాద్, రమణ, సరోజ, తదితరులు పాల్గొన్నారు.
