గురుగ్రామ్‌: భారతదేశంలో అతిపెద్ద వినియోగదారు ఎలక్ట్రానిక్స్‌ బ్రాండ్‌ అయిన శాంసంగ్‌ తమ ఆరవ తరం ఫోల్డబుల్‌ స్మార్ట్‌ఫోన్‌లు-గెలాక్సీ జెడ్‌ ఫోల్డ్‌ 6, గెలాక్సీ జెడ్‌ ఫ్లిప్‌ 6 కోసం రికార్డ్‌ స్థాయిలో ముందస్తు బుకింగ్‌లను అందుకున్నట్లు ప్రకటించింది. మొదటి 24 గంటల్లో, గెలాక్సీ జెడ్‌ ఫోల్డ్‌ 6, జెడ్‌ ఫ్లిప్‌ 6 ప్రీ-ఆర్డర్‌లు మునుపటి తరం ఫోల్డబుల్‌లతో పోలిస్తే 40% అధికంగా జరిగాయి. తద్వారా కొత్త జెడ్‌ సిరీస్‌ భారతదేశంలో అత్యంత విజయవంతమైనదిగా నిలిచింది. గెలాక్సీ జెడ్‌ ఫోల్డ్‌ 6 మరియు జెడ్‌ ఫ్లిప్‌ 6 ప్రీ-ఆర్డర్‌లు ప్రపంచంలోని ఇతర దేశాలతో పాటు భారతదేశంలో జూలై 10న ప్రారంభించబడ్డాయి. కొత్త స్మార్ట్‌ఫోన్‌లు, ఇటీవల విడుదల చేయబడిన ఎకోసిస్టమ్‌ పరికరాలతో పాటు-గెలాక్సీ వాచ్‌ అల్ట్రా, గెలాక్సీ వాచ్‌ 7, గెలాక్సీ బడ్స్‌ 3 ప్రో, గెలాక్సీ బడ్స్‌ 3-జూలై 24, 2024 నుండి భారతదేశంలో విక్రయించబడుతున్నాయి. వీటికి అపూర్వ స్పందన లభించడం ఆనందంగా ఉందని శాంసంగ్‌ ఇండియాఎంఎక్స్‌ బిజినెస్‌ సీనియర్‌ వైస్‌ ప్రెసిడెంట్‌ రాజు పుల్లన్‌ అన్నారు.
