Saturday, May 25, 2024
Saturday, May 25, 2024

అబార్షన్ మహిళల రాజ్యాంగ హక్కు.. ఫ్రాన్స్ చరిత్రాత్మక నిర్ణయం

ప్రపంచంలో తొలిసారి అబార్షన్ హక్కుకు చట్టబద్దత
రాజ్యాంగ హక్కుగా గుర్తించిన ఫ్రాన్స్ పార్లమెంట్
దశాబ్దాలుగా పోరాటం సాగిస్తోన్న హక్కుల సంఘాలు

అబార్షన్‌ను మహిళల రాజ్యాంగ హక్కుగా నిర్ణయిస్తూ తీసుకొచ్చిన చరిత్రాత్మక బిల్లును ఫ్రాన్స్‌ పార్లమెంటు ఆమోదించింది. సోమవారం జరిగిన ఉభయ సభల (జాతీయ అసెంబ్లీ, సెనెట్‌) సంయుక్త సమావేశంలో ఈ బిల్లుకు ఆమోదం లభించింది. బిల్లుకు మద్దతుగా 780 ఓట్లు రాగా వ్యతిరేకంగా 72 ఓట్లు వచ్చాయి. ఆమోదం అనంతరం సభ్యులంతా లేచి నిలబడి కరతాళ ధ్వనులతో సంఘీభావం తెలిపారు. దీంతో ప్రపంచంలో అబార్షన్‌ను రాజ్యాంగ హక్కుగా గుర్తించిన మొదటి దేశంగా చరిత్ర సృష్టించింది. పలు వర్గాల నుంచి వ్యతిరేకించినా ఇమ్యానుయేల్ మెక్రాన్ వెనక్కి తగ్గలేదు. బిల్లు ఆమోదం పొందడంతో ఫ్రాన్స్‌ అంతటా సంబరాలు జరిగాయి. పారిస్ వీధుల్లో ఈఫిల్ టవర్ వద్ద సామాజిక కార్యకర్తలు మైబాడీ మైఛాయిస్్అనే నినాదాలు రాసి ఉంచి ప్లకార్డులను ప్రదర్శించారు. అబార్షన్ హక్కులను ఫ్రాన్స్ వ్యాప్తంగా పెద్ద ఎత్తున మద్దతు లభించింది. చట్టబద్దత కోసం నిర్వహించిన ఓటింగ్‌లో 80 శాతం మంది మద్దతు తెలిపారు. అబార్షన్ హక్కు కోసం 1974 నుంచి ఫ్రాన్స్‌లో మహిళలు పోరాడుతున్నారు. కానీ, దీనిపై పెద్ద ఎత్తున విమర్శలు వచ్చాయి.కానీ, 2022లో అమెరికా సుప్రీంకోర్టు అబార్షన్‌ను రాజ్యాంగ హక్కుగా గుర్తిస్తూ ఇచ్చిన తీర్పు.. చట్టం చేయడంలో ఫ్రాన్స్‌కు మార్గదర్శకంగా నిలిచింది. ఈ హక్కు (అబార్షన్) అమెరికాలో వెనక్కి తగ్గింది. కాబట్టి ఫ్రాన్స్ ఈ ప్రమాదం నుంచి మినహాయింపు ఇచ్చిందని ఆలోచించడానికి మాకు ఏమీ అధికారం ఇవ్వలేదు్ణ అని హక్కుల సంస్థ ఫాండేషన్ డెస్ ఫెమ్మెస్ ఛైర్మన్ వ్యాఖ్యానించారు. స్త్రీవాదిగా.. మహిళగా కూడా చాలా ఉద్వేగంగా ఉందని స్లిమాని అన్నారు.ఫ్రాన్స్ రాజ్యాంగంలోని ఆర్టికల్ 34లో ాఅబార్షన్‌ను ఆశ్రయించడానికి మహిళకు హామీ ఇచ్చే స్వేచ్ఛ ఉన్న పరిస్థితులను చట్టం నిర్ణయిస్తుంది్ణ సోమవారం నాడు పార్లమెంట్ ఆమోదించిన బిల్లులో పొందుపరిచారు. ఫ్రాన్స్ ముందంజలో ఉంది అని మెక్రాన్ సెంట్రిస్ట్ పార్టీకి చెందిన పార్లమెంటు దిగువ సభ స్పీకర్ యేల్ బ్రాన్-పివెట్ అన్నారు.దేశంలో అబార్షన్ హక్కుకు పెద్ద ఎత్తున మద్దతు ఉన్నందున రాజకీయ లబ్ది కోసం మెక్రాన్ దీనిని వాడుకుంటున్నారని అతివాద నేత మెరైన్ లే పెన్ అన్నారు. మేము రాజ్యాంగంలో చేర్చడానికి ఓటు వేస్తాం.. ఎందుకంటే దానితో మాకు ఎటువంటి సమస్య లేదు.. అయితే దీనిని చారిత్రాత్మక చర్య అని పిలవడం అతిశయోక్తి.. ఎందుకంటే ఫ్రాన్స్‌లో అబార్షన్ హక్కును ఎవరూ ప్రమాదంలో పడేయరు్ణ అని వ్యాఖ్యానించారు.

సంబంధిత వార్తలు

spot_img

తాజా వార్తలు

spot_img