విశాలాంధ్ర – పెద్దకడబూరు (కర్నూలు) : సమయ వినియోగంపై వార్షిక సర్వే చేస్తున్నట్లు ఏఎస్ఓ, సర్వే మండల సూపర్ వైజర్ వెంకటేశ్వర్లు తెలిపారు. శనివారం ఆయన విలేకరులతో మాట్లాడుతూ సమయ వినియోగంపై వార్షిక సర్వే ద్వారా ఎంపిక చేయబడిన గ్రామీణ బ్లాకులలోని కుటుంబాలను సందర్శించి 6 ఏళ్లు పైబడిన వ్యక్తుల సమయ వినియోగంపై సమాచారం సేకరించడం జరుగుతుందన్నారు. ఇందులో భాగంగా పెద్దకడబూరు గ్రామాన్ని ఎన్ఎస్ఎస్ఓ సర్వే చేస్తున్నట్లు తెలిపారు. ఆర్జిత, అనార్జిత కార్య కలాపాలపై వెచ్చించు సమయాన్ని గుర్తించడం జరుగుతుందన్నారు. ఈ కార్యక్రమంలో అధికారులు సాంబశివుడు, గోపాల్, వీఆర్వో నరసప్ప, వీ ఆర్ ఏలు ఉసేని, హైమావతి తదితరులు పాల్గొన్నారు.
