ఆచార్య నాగార్జున విశ్వవిద్యాలయంలో ఆంగ్ల ఉపన్యాసకులుగా పనిచేస్తున్నారు డా॥గుజ్జు చెన్నారెడ్డి. ‘‘జిల్లా అంశాలు ప్రత్యక్షంగా తిలకించి ఆడిపాడిన అనుభవంతో సిక్కోలు ఆటపాట, చదువు సంధ్య చిన్న కథల రూపంలో తేవాలని అక్కడి అలవాట్లు, పేదరికం దాపరికం లేకుండా నా శాయిశక్తులా అక్షర రూపం చేసే ప్రయత్నమే ఈ ‘సిక్కోలు కథలు’ అన్నారు రచయిత.
శ్రీకాకుళం కరువు జిల్లా. కొండల, కోనల నడుమ ఉన్నది. కరువుకాటకాలు వచ్చాయి. ప్రజలు పెట్టెబేడా సర్దుకొని పిల్లాజెల్లాతో వలస కూలీలుగా వెళ్లిపోయారు. వారి జీవన పరిణామం ఆందోళన కలిగిస్తుంది. పేదరికం వారి వెన్నంటే ఉంటుంది. దైవభక్తి వారిలో నిండుగా ఉంటుంది. తరతరాల సంప్రదాయాలు పాటిస్తారు. ప్రజల ఆహార విధానం వారి జీవితానికి తగినట్లుగానే ఉంటుంది. గంజి తాగుతారు. పిల్లలు కూడ అదే తాగుతారు. వానవరద వస్తే గుడిసెలు ఎగిరిపోతాయి. పాపం పనులు లేక పిల్లలకు తిండి పెట్టలేని వారున్నారు.రోణంకి అప్పలస్వామిని గూర్చి రచయిత చెప్పారు. ఆ సూటు, బూటు, చేతిలో కర్ర, కిళ్లి వేసుకోవటం పైన టోపి అలవాటు. ఆయన్ని చూడగానే మేష్టారు రోణంకి అప్పలస్వామి అని చెప్పాడు. ఆయన ఫ్రెంచి, లాటిన్‌ భాషలు మాట్లాడుతారు.
శ్రీకాకుళం జిల్లాలో నక్సలైట్ల బెడద ఎక్కువే. అది వారికి ఉనికిపట్టు. రాత్రిళ్లు అయితే లాంపులు పెట్టి జనానికి నాలుగు మాటలు చెప్పేవారు. ఆ ప్రదేశం గుట్టుగా ఉంటుందని నక్సలైట్లు విడిది ఏర్పాటు చేసుకొనేవారు.
గ్రామాల్లో సమైక్యత కాన్పిస్తుంది. హరిజనులు తక్కినవారు మామా, బావా, అయ్యా అని పిలుచుకొంటారు. ఇది సంప్రదాయంగా వస్తూనే ఉన్నది. కాని చాలామంది ‘‘ఏండి’’ అంటారట.
డాక్టరు చెన్నారెడ్డి శ్రీకాకుళం జనుల జీవితాన్ని కళ్లకు కట్టినట్లు చూపించారు.గెల్లి రామమోహనరావు, సెల్‌: 08632357514
రక్తికట్టించే కథలు, గాథలు
