రా బావ చాలా రోజులయింది. ఎవరినో తిట్టుకుంటూ వస్తున్నావు. ఎవర్ని తిడితే ఎవరూరుకుంటారు. నన్ను నేనే తిట్టుకుంటున్నా. ఎందుకయ్యా అంత ఇబ్బందేమి కలిగిందిపుడు. లేకేమయ్యా తాపీగా కూర్చుని అడుగుతావు. నీకున్నంత నిగ్రహ శక్తి నాకు లేదయ్యా. సరేలె యిపుడేమయింది. అసలు విషయం చెప్పు. ఏంటి చెప్పేది. అసలు వ్యవస్థ సర్వ నాశనం అవుతోంది. మన దేశం ఎటు పయనిస్తోందో నాకు అర్థ ం కావడం లేదు. మాటలు నేర్చిన మనిషి యితరులతో కలిసి ఒక సమాజాన్ని ఏర్పాటు చేసుకున్నాడు. ఆ తరువాత మనుగడ కోసం ఒక మంచి వ్యవస్థ రూపొందించుకున్నాడు. అనంతరం ఒక మంచి ప్రజాస్వామ్య వ్యవస్థను ఏర్పాటు చేసుకుని ప్రజల కోసం ప్రజల చేత ప్రజలే పరిపాలన చేసే విధంగా ఒక రాజ్యాంగాన్ని ఏర్పాటు చేసుకొని అభివృద్ధి వైపు వ్యవస్థ పయనించే లాగ మనుగడ సాగించె దిశలో నాయకుల స్వార్థం వల్ల యిప్పుడు వ్యవస్థ నియంతృత్వం దారికి మల్లింది. ఇప్పుడు చెప్పు బాధ కలిగించే విషయం కాదా నన్ను నేను తిట్టుకోక ఏం చేయాలి. చాలామంది బయటకు చెప్పుకోలేక లోలోపల బాధపడతారు. నేను ఆపుకోలేక నీ దగ్గర బయటపడి బాధను వ్యక్తం చేస్తున్నా. ఎందుకయ్యా కామ్రేడ్‌ లెనిన్‌ లాగ ఒక ఎత్తయిన స్టూలు తీసుకుని అన్ని సెంటర్లలో చెప్పవయ్యా. ఇప్పుడు లెనిన్‌లా బజరాకెడితె రేపటికి మిగలనయ్యా. అన్నీ తెలిసి నన్ను ఎగతాళి పట్టిస్తావెందుకు. అదిసరెే నాయకుల మీద పడ్డావు వాళ్లేం చేస్తారయ్యా. ఏం చేయాలి ప్రజాస్వామ్యంలో ప్రభుత్వాన్ని ఏర్పాటు చేసుకుని సమస్యలు పరిష్కరించడానికి నాయకున్ని ఎన్నుకుంటే వాళ్లు ప్రజాస్వామ్యానికి తూట్లు పొడిచి నియంతలుగా మారుతున్నారు. ఇప్పుడు ఎన్నికలు దగ్గరపడ్డాయి. గతంలో కమ్యూనిస్టుల్లో ఒక నాయకుడు చనిపోతేె పది మంది ఆ స్థాయి కలవారుండేవారు. ఇప్పుడు ఒక శాసనసభ్యుడు తప్పు చేశాడని అతన్ని మారిస్తే మరొకడు కనిపించక యితర నియోజక వర్గం నుంచి తెచ్చుకోవలసిన పరిస్థితి ఏర్పడిరది. ఆయా నియోజక వర్గం మొత్తం తెలిసిన వాడు శాసనసభ్యుని తరువాత మరొకడు కన్పించడం లేదు. మండల స్థాయికే పరిమితమవుతున్నారు. అంటే ద్వితీయ శ్రేణి నాయకులు కరువవుతున్నారు. అందుకు కారణం స్వార్థమే మరి. తనతో పాటు మరొకడు ఎదగడం ఆయా శాసనసభ్యునికి యిష్టం ఉండదు. అంతేకాక మండల స్థాయి నాయకులు యితర మండలాల్లో జోక్యం చేసుకోకూడదు. ఎక్కడి వారు అక్కడే సంపాదించుకోవాలి. నిజమేనయ్యా ఒక పార్లమెంటు సభ్యుడు దేశంలోని ఎక్కడి సమస్య అయినా అలాగెే ఒక శాసన సభ్యుడు రాష్ట్రంలోని ఎక్కడి సమస్య పైనైనా చర్చించవచ్చు. పోరాడవచ్చు. కాని ప్రస్తుతం అలా జరగడం లేదు. ఆయా నియోజక వర్గానికి పరిమితమవుతున్నారు. అలాగెే మండల స్థాయి వారు, గ్రామస్థాయి నాయకులు ఎక్కడి వారు అక్కడికెే పరిమితమవు తున్నారు. ఇప్పుడు చెప్పు బావా దేశం ఎటువైపు నడుస్తోంది. నాయకుల స్థాయి, సేవలు పరిమితమవుతున్నాయి. అధినాయకుని మాట, శాసనసభ్యులు వారి మాట ద్వితీయ శ్రేణి నాయకులు వారి మాట తృతీయ శ్రేణి నాయకులు ఏమాత్రం ఆలోచించకుండా తు.చ తప్పకుండ పాటించాల్సిందేె. అందువల్ల మనిషి మేధస్సు వికసించ కుండా కుంచించుకుపోతోంది. దీనివల్ల భవిత ప్రశ్నార్థకంగా మారింది. ఇదంతా గమనించిన యువత నియంతృత్వ రాజకీయాలు నచ్చక రాజకీయాల్లో అడుగుపెట్టకుండా ఉద్యోగాల వైపు మళ్లుతున్నారు. ఇదంతా గమనించి భవిత అంథకారమవుతోందని తెలిసి ఏమీ చేయలేక నన్ను నేను తిట్టుకుంటున్నా. ఇప్పుడు చెప్పు. నన్ను ఏం చేయమంటావో. నిజమేనయ్యా ఎవరిని ఎదిరించాలో కూడా తెలియడం లేదు. ఏమీ చేయలేని నిస్సహాయ పరిస్థితిలో మేధావులు మౌనం పాటిస్తున్నారు. ఈ స్థితిలో పిల్లి మెడలో గంట కట్టేదెవరనే విషయం నా మనసును తొలిచేస్తోంది బావ.
